2012/09/29

2012北海道10天霧地自駕遊(修訂版)D5-10落石岬篇




Hello !

上回講到參觀完 "濱松海岸" , 呢篇繼續 .

下一站係 "落石岬" , 要到果度 , 先要上一段山路 , 

由山上望番落黎 , 真係冇眼睇 .  >_< !!


其實用另一個角度黎睇 , 都幾特別 .


一片 "迷離境地" 咁款 .


落石燈台 1.4Km .


差唔多到步 , 點知封路 , 立入禁止 .


真係寫明 "立入禁止" , 冇理由硬闖 .


擺車都唔得 ? 唔係嘛 .


唯有就地參觀 , 見乜影乜啦 .


洗手間一座 .


水都唔駛 , 咁都得 ? 果然夠環保 .  ^^


冇分男女廁 , 唔用都參觀下 .


果然好正喎 , 一D都唔臭 , 好過頭先 "長節湖" 好多 .


攪掂晒 , 唯有原路折返啦 , 無奈 .

Bye Bye !

2012/09/27

2012北海道10天霧地自駕遊(修訂版)D5-9濱松海岸篇




Hello !


上回講到攪掂晒 "根室長節湖" , 呢篇繼續 .

下一站 "浜松海岸" . (本來呢篇網誌唔存在 , 點解咁講呢 ?)

因為當時個GPS話經已到達 , 但係四圍都唔見喎 ?

原來個展望台在右手邊 , 一直將注意力集中晒左手邊 ,

所以過晒廟都唔知 , 果一刻正在腦交戰 , 掉唔掉頭好呢 ?

一方面諗 : 呢度咁鬼大霧 , 去到都唔慌有野睇啦 .

另一方面諗 : 今日既景點都唔多 , 如果Miss埋 , 豈非買小見小 .

最後都係決定掉頭 , 但係當時都幾大霧 , 如果掉頭既話 ,

都有某程度上危險 , 所以方法只有一個 , 就係 "唯快不破" .

等左一陣都冇車 , 立即Go , Go , Go , 踩油 ~ 扭軑 ~到位回軑 ,

踩Brake ~ 入後波 ~ 踩油 ~ 到位再回軑 ~ 踩Brake ~ 入D波 , 

踩油 ... 全個過程都以無影手黎進行 , 好彩期間都冇車 , 

不過以果度咁冇人氣 , 除非真係黑氣纏身 , 一掉頭就即刻有車黎 , 

否則慢慢幹頭都未驚過 .  ^_^ !!

就係咁樣 , 就有呢篇網誌睇 . (雖然都冇乜睇頭)

呢個係洗手間 , 睇個背景 , 完全白雪雪 , 能見度極之低 .


案內地圖一座 .


根室市觀光案內 .


根室十景 , 冇去到 "明治公園" 添 .


現在地 , No.9 浜松海岸 ,

一陣既 "落石岬" 又係慘淡收場 .


好大霧既呢 .


完全唔見個海岸呀 .


四野無人 , 其實慢慢掉頭都得 , 自己嚇自己唶 .


上面先至係展望台 .


水牌一個 .


如果冇估錯 , 應該係講對面有兩個無人小島 , 俾雀鳥棲息 .


都冇乜野可以展望得到 .


幫襯埋個洗手間就走得 , 收工 .

Bye Bye !

2012/09/25

2012北海道10天霧地自駕遊(修訂版)D5-8根室長節湖篇




Hello !


上回講到參觀完 "根室車石" , 呢篇繼續 .

下一站叫做 : 長節湖 , 距離 "車石" 10分鐘車程左右 .

呢度就姑且叫佢做 "根室長節湖" 啦 , 

因為遲D有另一個景點 , 又係叫做 "長節湖" .

由 "車石" 果度開始 , 已經有微雨 , 大霧更加係未停過 ,

其實都未算最勁 , 遲D會遇到超級大霧 , 幾近完全俾大霧所包圍 , 

要即刻掉頭走佬 , 因為實在太危險 , 留得青山在嘛 .


長節湖 , 右邊丫 , 唔該 .


只係睇到小小咋 .


都唔敢行得太出 , 點知會唔會踩落水裡面 ?


涼亭一個 .


望出去一片荒蕪 .


鹿都唔見隻 .


求其影幾張相算數 .


洗手間 .


既然鬼都唔多隻 , 參觀埋個男廁咯 .  ^_^ !!


隔離女廁 .


仲有呢個 , 夠唔夠嚮度開大 ? haha ...


立入禁止 !

等我嘗試解讀 , 下列既日期 , 長節湖畔步道 , 確認有熊既便便 , 

由於有熊出沒既可能性 , 所以絕對唔可以入去 , 

否則後果自負 . (最後呢句我加上去)  XD


本來呢度都冇乜野睇 , 見塊牌之後 , 

更加係冇鞋挽履走 , 容乜易真係有 "熊出沒注意" . 

咪攪 ~ 都係走先 .

Bye Bye !

2012/09/23

2012北海道10天霧地自駕遊(修訂版)D5-7根室車石篇B




Hello !


上回講到在 "根室車石" 參觀 , 呢篇繼續 .

地下咁既顏色 , 一睇就知係海底火山爆發 , 溶岩冷卻後而形成 .

尋晚 "明珠台" 果集 : 活著  火山 "LIFE ON FIRE" ,

講海底火山爆發 , 唔好話岸邊小小地方 , 

直情成個島爆出黎都得 .


不過呢舊 "車石" , 如果唔係人工打磨成 , 

而係天然形成 , 咁都幾特別喎 .


難怪成為 "根室十景" 之一 , 讚呀 !


除了似車轆之外 , 仲有D似隻 "穿山甲" .


尾部 .  ^^


睇到差唔多 , 都係時候上番去 .


另一邊既 "展望台" . (好似望落去就係海咁)


呢張係講解 "車石" 既成因 , 原來已經形成左6500萬年 .


現場見到咁既情景 , 即時想歌番首歌 .

潮聲浪聲去又來 , 前事降在我心靈內 , 留低是瑣碎片段 ,

變幻 ~ 抉擇 ~ 無奈 ...  (一齊唱丫)


呢D就係 "粗粒玄武岩" .


"車石" 既側邊 , 都係一塊塊鱗片咁 .


有樣野唔講大家唔知 , 其實當時係落緊微雨 .


仲有小小橫風 , 唔算好大 , 不過每次打開鏡頭影相 , 

D雨點都會整濕個鏡頭 , 攪到好激氣 .


所以每影一張相 , 都要抹一次鏡頭 .

谷鬼氣 , 上番 "燈塔" 度都唔記得再影相 .


咦 ~ 無厘頭有兩隻海鷗 ?  ^^


D石一條條咁 , 充滿 "香港國家地質公園" Feel .


六角柱石 .


依然係咁大浪 .


玩左咁耐 , 一個人影都唔見 , 又一個包場景點 .

(邊會有人咁大霧都黎咁戇居 . haha ... )


呢度係停車場望落去另一邊沙灘 ,

頭先果邊就 "巨浪滔天" , 轉個角就風平浪靜 , 咁都得 ?


都大落差唶 .  =_= !!


Bye Bye !