2012北海道10天霧地自駕遊(修訂版)D5-2納沙布岬篇B

Hello !

上回講到到達 "納沙布岬" , 呢篇繼續 .

由於呢度係重點行程 , 雖然大霧有D影響 , 

不過都無阻我影相既雅興 , 一於影個痛快 , 

所以呢Part起碼都佔三幾篇 .  ^^

而我落車果陣 , 亦有其他租車自駕遊旅客一齊到達 , 

終於唔駛一個人玩晒整個景點 , 不過呢度地方都頗大 , 

好快就唔見佢既蹤影 , 又變番一個人玩晒 . XD

本土最東端  納沙布岬  根室市 .

仲有埋座標 : 北緯43度23分07秒 ~ 東經145度49分01秒

真係要搵人造衛星黎度 .  ^_^ !!

好一個 "天涯海角" 式海岸 .

可惜背景俾大霧籠罩住 , 實在令人痛心 .  >_< !!

魂 , 北方領土  祖国復帰は日本国民の悲願 .

"霧鎖南洋" 既情景 , 真係失色 .

呢塊唔知寫乜 ?

北方領土返還祈願碑 .

如果冇霧氣 , 肯定好睇好多 .

話說當日影緊相既時候 , 突然警報大嗚 . 

之前睇過 Youtube 短片 , 知道果D係海嘯警報 , 

個心當堂離一離 , 因為之前睇海嘯新聞 , 雖然唔係幸災樂禍 , 

不過點都帶住些小 "隔岸觀火" 既心態 . (斷估 "香港" 都唔會海嘯)

依家自己身處 "日本" 呢個地震帶 , 大吉利是講句 , 

萬一真係再黎多次同級數 "海嘯" 既話 , 走得去邊度 ?

果陣正在諗 : 如果真係有海嘯 , 應該先黎個強烈地震 , 

唔通當時我在行車途中 , 所以唔察覺 ? 

但若然真係既話 , 途人應該雞飛狗走至係 ? 

(不過當時四野無人 , 就連之前自駕遊黎到果位 , 亦不知所終) 

咁點呢 ? 即刻開車走 ? 四圍都唔見有高地喎 , 之後望個海 , 岸邊仲有水 , 

電影 "末日救未來" 裡面 , 大海嘯前岸邊D水會吸晒出海 , 

之後再黎個反噬 , 依家D水仲嚮度 , 理應冇問題掛 ?

幸好大約一分鐘之後 , 警報停左 , 亦冇海嘯發生 .

究竟果陣攪乜鬼呢 ? 相信將會係一個不解之謎 . 

黐線既咩 ? 亂咁發警報 , 人嚇人冇藥醫架嘛 .

既然冇事 , 咁就繼續影相 . (海邊仲有水 , 咁都定D)

食店 & 手信店 . (唔知開唔開檔 ?)

好殘既案內地圖 .

一場黎到 , 梗係要參觀呢個最東洗手間 .

有冇人識睇 "俄羅斯" 文 ?

係佢喇  , 入去咯 .

紅色蟹代表女洗手間 , 咁乜野代表男洗手間呢 ?

(答案在最底部份)

海豹都走上岸 ?  ^^

梗係唔係啦 , 電話亭黎架 .

不過做到好似海豹在流冰上面 , 實在太有創意 , 讚呀 .

望郷の岬公園 .

好大個停車場 , 不過一部車都冇 .

Bye Bye !

P.S. : 答案咪藍色既蟹囉 . haha ...