2013/03/30

2013北海道&青森12天自駕遊(修訂版)D3-6完(旅の宿大須田晚餐篇)




Hello !

上回講到參觀完房間 , 呢篇繼續 .

返房休息及上網 , 話都冇咁快就到晚飯時間 , 

由於頭先冇乜點食過野 , 依家鬼死咁肚餓 , 

今日都算歷盡艱辛咯 , 所以坐落第一件事就啤一啤佢 .


連菜單都Print埋出黎 , 夠晒認真呀 .

佢好有心機介紹每一味菜 , 不過呢頭講完果頭都唔記得啦 , 

正式係左耳入 , 右耳出 . haha ...


平成二十五年五月十一日 , 旅之宿大須田 . 

(大須田知行係人名黎架)


食堂在地下 , 上篇介紹過啦 .

正宗日式打坐咁食法 , 雖然我鍾意 , 不過若然挖個窿擺腳 , 

咁就舒服好多 . (遲D "秋田" 果度 , 真係有架)


電視撈飯 , 咁先至係波架嘛 .  ^_^ !!


我都冇著浴衣落黎食飯 , 只係普通衫褲咋 ,

開始時佢向其他人介紹 , 話我由 "香港" 黎 , 個個都望住晒 ,

攪到人地鬼咁唔好意思 , 真係多得佢唔小 . XD


開始食飯 , 對唔對得番張菜單呀 ? 我就唔得喇 .


不過都嘗逐味介紹啦 , 第一味 : 醬油魚 .


刺身 .


天婦羅 .


漬物 .


唔知乜野 ? (懷疑係蘿蔔)


呢味雖然經常見到 , 不過都唔知乜野黎 ?


呢兜飯要食晒都唔簡單 .


麵豉湯 .


唔好睇每樣好似得小小 , 全部食晒都幾係野 ,

食完返房繼續睇電視 , 適逢做 35歲の高校生 .


套劇講D乜 ? 近日報紙都有介紹 .


唔講唔知 , 我一向都鍾意睇 "米倉涼子" D劇集 , 

佢多數都飾演D硬掘掘既角色 , (似足我既性格)

好似之前既 "講數阿姐" 系列 , 就聽朝11:00 ,

TVB翻做佢果套 "追稅女王" , 又係好好睇架 .


雖然扮學生有D吃力 , 不過我鍾意睇佢 , 多過 "菜菜子" .


睇完休息多一陣 , 出去梳洗過後就訓覺 , 

呢度勉強都叫做有溫泉浸 , 其實只係一個浴缸 , 中午入住時在特別情況下 , 

先浸一陣 , 正常情況係唔會浸 , 等遲D大浴場果陣先浸餐飽啦 .

Bye Bye !

第三日完 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

一宿無話又到聽朝 , 同場加映第四日早餐篇 .

由於約佢A.M.10:00在門口等 , 所以唔駛咁早起身 ,

A.M.8:15先落去食都未遲 .

早餐又係尋晚原班人馬一齊 .


都係同一個地方 , 同一個位置 .


唔同既係晨早流流 , 唔會飲啤酒囉 .  ^^


望出窗外 , 幾好天喎 , 証明租車係正確既選擇 , 好彩冇揀Plan A咋 .


早餐到 .


同晚餐差唔多既 ? 只係 "醬油魚" 變成 "柴皮魚" .  =_= !!


加多味煎蛋 & 煙肉 .


呢盒係好惡哽既 "納豆" , 食唔食好呢 ?


仲有味 "日式" 鹹肉粽 , 綠色果D係砂糖 , 不過唔算太甜 .

(咦 ~ "日本" 有冇端午節架 ? )


其實尋晚果餐都仲未落晒格 , 再加埋呢餐 , 

真係飽到冇朋友 , 食完仲有時間剩 , 上房收拾細軟之後 Check out .

用呢段時間四圍行 , 等到10:00再返黎取車 .


呢間就係旅館外貌 .


隻狗咁搶鏡 , 點可以唔玩番兩手 .


Wow ~ 埋緊黎呀 . 

正式係又要玩又要驚 . haha ...


藍天白雲 , 同尋日真係兩個世界 .


玩完狗就出外面散步 .

同佢講聲 : すみません , さんぽします , いってきます .

唔知文法正唔正確 , 不過我淨係識呢D .

旅遊日文仲講乜鬼文法丫 , 求其佢聽得明都偷笑 .  XD

再一次 Bye Bye !

下篇正式租車出發 . Yeah ~

2013/03/29

2013北海道&青森12天自駕遊(修訂版)D3-5旅の宿大須田篇




Hello !


上回講到搵櫃檯服務員幫手Book車 , 呢篇繼續 .

攪掂之後輪到介紹呢間旅館 .

唔講唔知 , 其實我起初唔係Book呢度 , 當初睇中近碼頭果間 , 

可惜佢只係做到3月31日 , 唯有揀呢間啦 , 不過住落都唔錯 .

個個員工都好nice , 呢樣要讚呀 .

依家介紹佢 , 首先係大門口 .


入去要除鞋 , 對鞋就放在鞋櫃裡 .


鞋櫃對面係フロント櫃檯 , 頭先就在呢度搵佢幫手Book車 .


行入小小有兩間房 .


樓梯上二樓 , 不過一陣先上去 , 樓下仲未講完 .


洗手間 & 洗手盆 . (樓上樓下都有)


隔離係食堂入口 .


轉角係浴室 , 男左女右 .


有埋毛巾供應 , 用完放隔離 . (都係自備好D)


上到二樓 , 有部共用雪櫃 , 不過我都冇乜野可以擺入去 .


水機一部 , 凍水好好飲 .  ^_^ !!


擦牙 & 洗面既地方 , 好彩兩次都冇人一齊 . XD


呢間旅館都好多房間 .


207 & 206


我住208號室 , 請入黎參觀 .


唔該除鞋 .


呢類日式旅館燈 , 我至鍾意 .  ^^


榻榻米 , 一早鋪好晒 .


當時個頭仲濕緊 , 暫時唔訓得住 .


LCDTV


黎多張添 .


暖爐一個 , 平時多數唔開 , 不過今次例外 , 好暖呀 .


窗口一個 .


咦 ~ 望到對面喎 , 

Check 過 Google地圖 , 對面應該係 "久遠郡" .


已經停雨咯 .


不過天色依然麻麻 .


返落樓下玩狗 .


唔騷我 .


過緊黎呀 , 有小小驚 , 都係退後D好 . haha ...


OK ~ 介紹完畢 , 休息多一陣 , 

話咁快又到P.M.6:00晚飯時間 , 果陣都幾肚餓 .

Bye Bye !