2013北海道&青森12天自駕遊(修訂版)D3-1奧尻島渡輪篇

Hello !

上回講到食完早餐後 , 上房執齊野 , 呢篇繼續 .

取車準備前往 "奧尻島" 渡輪碼頭 .

話說當日於08:45離開旅館 , 預算09:00到達碼頭 , 

09:30開船 , 點知又有D失誤 , 因為原來果度離旅館比想像中遠 , 

加上俾部 "道南巴士" 頂住條路 , 結果去到碼頭都成09:10 ,

去到碼頭之後 , 又有新刺激 , 皆因碼頭個停車場 ,

幾近全院滿座 , 真係大劑 , 兜個圈睇勻都冇位 .

點呢 ? 擺唔低部車 , Miss呢班船既話 , 咁就大劑咯 , 

正在徬徨之際 , 忽然有位哥哥仔過黎 , 指向另一個路口 , 

話果邊有位 , (其實都係斷估 , 不過都過去睇睇)

果度都係得一兩個車位 , 如果都 Full 埋 , 咁就冇計咯 .

真係好爆滿呀 , 遠處就係隻船同埋售票處 .

後面大空地唔知係咪船公司既停車場 ? 如果係就定檔好多 ,

否則既話 , 只係得番呢一二個位咋 . 

之後以無影手執齊一切所需用品入背囊 , 今晚在島上過一晚 ,

臨走記得鎖好部車 , 聽晚先至返黎 .

就係呢隻船 , 型呀 !

(順便講埋 , 呢間船公司兼辦理 "利尻 & 禮文" 航線)

仲有車落緊船 .

入到售票處 , 大人一位丫 , 唔該 .

盛惠 2400Yen . 

(10000Yen 找番 7600Yen , 散子袋起左 )

呢邊上船 , 時間係09:25左右 , 若然淨係人上船既話 , 

只要未拉開條梯 , 都可以大叫刀下留人 .  ^^

上一條樓梯 , 轉灣就見到呢度 , 入去咯 .

呢度係小賣部 . (零食飲品呢度買)

對面有部小電視與沙發 .

隔離有個蓋章處 .

正呀 . Yeah !

有D蓆俾人用 , 無料 . 

(不過冇乜人用 , 多數都係就咁訓地)

前面就係二等室 .

好熱鬧既呢 , 淨係得呢張相咋 , 

個個嚮度傾偈 , 都唔好意思入去影相 .

穿過二等室有個洗手間 .

出去係露天地方 .

就係呢度 , 影住一張先 , 參觀完再出黎影過 .

立入禁止 , 冇癮 .

頭先果個二等室 , 實在太過多人 , 

我都唔敢謬然入去同佢地打成一片 , 所以去另一邊 , 

原來有另一個二等室 , 呢邊清靜好多 .

船都未開 , 咁快就訓 ?

個個都休息 , 即使傾偈都係細細聲 , 唔通係靜音船艙 ?

我都搵番個有利位置休息陣先 .

有枕頭供應 .

仲有嘔袋添 .  =_= !!

不過船都未開 , 我又邊度坐得定丫 , 一於去番露天部份再影過 .

救生快艇 , 啋 ! 真係大吉利是 .

講講下都開船 .

再見了 , AQUA , 聽晚黎接你 .

遠處係開陽丸 & 青少年中心 .

果陣天陰陰 , 仲未知道果邊既天氣勁差 .

冇乜海鷗跟住黎喎 .

Bye Bye !