2013/03/28

2013北海道&青森12天自駕遊(修訂版)D3-4奧尻島Book車篇




Hello ! 


上回講到幸得順風車仗義幫拖 , 呢篇繼續 .

上篇唔記得講埋 , 行山拐杖同埋把遮一齊放在後座貨斗上 ,

落車時得番支拐杖 , 把遮不知所終 , 攪到遲D在 "千疊岩" 都冇遮用 .

去到旅館後 , 即刻沖番個靚涼 , 再洗埋個頭 , 換番D乾衫 , 

之後打番篇網誌報平安 , 亦即係當日既 "第三日簡短匯報" , 

果陣時先諗起 , 原來仲未食午餐喎 , 於是乎將本來要黎餵海鷗

既餅乾當午餐食 , 不過唔好食咁多 , 等晚餐先至食餐勁既 . 

攪掂後輪到認真地盤算之後既去向 , 最後得出兩個方案 .

~~~~~~~~~~~~~~~~~~~~~~~~~~~~~~~~~~~~~~~~~ 

Plan A : 明早搭第一班船返 "江差" , 即刻落 "函館" 參觀 . 

其實果度仲有好多地方未去過 , 好似 "函館市北洋資料館" ,  

"市營熱帶植物公園" , "谷地頭溫泉" , "綠の島" 等等 ...

~~~~~~~~~~~~~~~~~~~~~~~~~~~~~~~~~~~~~~~~~~

Plan B : 就係問佢依家呢個季節 , 租車舖有冇開檔 ? 

如果有既話 , 幫口租番部丫 , 由你講好過我周圍搵租車公司 . 

~~~~~~~~~~~~~~~~~~~~~~~~~~~~~~~~~~~~~~~~~~

以我既性格 , 當然係揀 Plan B 啦 , 因為千里迢迢黎到呢度 , 

如果聽朝即走既話 , 咁咪即係玩遊船河 ? 咁點得架 . 

於是乎谷盡我生平所學既日文 , 加埋紙筆 , 膽粗粗走去櫃檯問佢 . 

すみません ... この天気は , レンタカー は あるか ?

(雖然唔知文法通唔通 , 不過我淨係識呢D)

佢答有呀 ? 問我幾時要 ? 租幾耐 ? 

我話 : 聽朝10點要 , 租5個鐘 , 唔知點計呢 ? 

佢打個電話問 , 然後回覆租5個鐘4500Yen . 

我問佢部車嚮邊度取 ? 佢話就在門口 . 

心諗 : 唔通旅館兼職租車 ? 點都好 , 聽日先算 . 

於是乎就咁拍板OK , 聽朝10:00見 . 

(聽日先知原來租車公司派接送車 , 車我去總部度詳談)

其實果陣時都唔知聽日天氣係點 , 不過最壞打算係同今日一樣 , 

有部車一齊 , 就算天氣唔好 , 去到D景點拿淋落車影幾張相後即刻上車 . 

點都好過乜都唔做就咁返 "江差" , 咁樣好難向各界交代 .

~~~~~~~~~~~~~~~~~~~~~~~~~~~~~~~~~~~~~~~~~~~~ 

今日同聽日正式係兩個世界 , 第二回合大獲全勝 , 真係贏得精彩呀 !

最難果Part都攪掂埋 , 既然大把時間休息 , 不如介紹間旅館啦 . 

Bye Bye !

P.S. : 呢款 "大發仔" , 就係聽日租既車款 . 

沒有留言:

發佈留言

歡迎光臨 , 如果時間許可 , 請留番個言丫 ~