2013/03/24

2013北海道&青森12天自駕遊(修訂版)D2-15完(俄虫溫泉旅館房間篇)




Hello !


上回講到Check in後即刻食晚飯 , 呢篇繼續 .

邊食邊睇電視 , 話咁快就食完餐飯 , 中午只係食左個丼套餐 , 

今晚鬼咁肚餓 , 又係乜都同佢清晒 .


剛剛食完冇事做 , 又未抖夠浸溫泉 , 就介紹間房啦 , 

今次簡單D , 因為房裡冇洗手間 , 影小一樣野 .

近窗有個小露台 , 要黎掛衫 .


呢類白色燈 , 我都幾鍾意 , 讚呀 !


輪到房中央 , 四邊影齊 , 飯檯在左下角 .


LCD小TV , 邊食邊睇 , 唔錯架 .  ^^


間房唔算好大 , 一般OK啦 .


張床仲未鋪 .


自己黎啦 , 似模似樣哩 .  ^_^ !!


近門口有個小雪櫃 .


裡面有大啤兩支 .


菊の間 .


就在二樓轉灣第一間 , 走廊有漫畫 , 

可以拎入房慢慢睇 , 不過我冇乜興趣 , 睇電視好過 . 


之後等了好耐都唔見有人拍門收碗碟 , 又唔想擺門口 ,

算啦 , 反正間房有位 , 就由得佢擺到聽日Check Out .

睇多陣電視 , 夠鐘出去浸溫泉 , 開足一整日車都好疲勞 .

講起浸溫泉 , 都睇到好多野 , 有D人鍾意傾偈 , 

由入場傾到離場 , 我就想傾都冇人陪 , 反而鍾意唔出聲 , 

唯有全身放鬆入定 , 好舒服架 , 不過最唔鍾意天花板滴水既溫泉 ,

因為唔係次次都洗頭嘛 , 閃到邊度都食正 , 好扯火 .

浸完之後返房 , 梳洗過後就休息 .

Bye Bye !

第二日完 .

~~~~~~~~~~~~~~~~~~~~~~~~~~~~~~~~~~~~~~~~~~~~~~

同場加映第三日早餐 , 係一個好簡單既日式早餐 .

果朝晨早起身 , 梳洗過後即刻落樓下食早餐 , 

今次日式一Set過 , 唔駛揀 .  ^^

( 荷包蛋算係日式定西式 ? )


在大廳食早餐 , 有人陪食 , 唔駛咁寡 .

咪遮住部電視呀 . haha ...


白飯 ~ 粥 ~ 咖啡 ~ 水 , 自己攪掂 , 

呢位係客人黎架 , 唔係服務員 .


除 "納豆" 之外 , 其餘乜都清晒 .


食完早餐既節目 , 就係 ...


整番杯咖啡 .


後面部暖爐好鬼勁 , 坐正佢後面 , 直情熱過火炭 .  >_< !!


慢慢食 , 走先 .


返回房間收拾細軟 , Check Out 往碼頭 , 

準備出發 "奧尻島" , 呢個 "奧尻島" 真係有排講 .

再一次 Bye Bye !

沒有留言:

發佈留言

歡迎光臨 , 如果時間許可 , 請留番個言丫 ~