2013/03/14

2013北海道&青森12天自駕遊(修訂版)D2-5神威岬篇A




Hello !

上回講到參觀完 "島武意海岸" , 呢篇繼續 .

落山後時間經已係11:55 , 又到午飯既時候 .


以往午飯多數都冇啖好食 , 今次黎到呢度 , 

一於食餐好既 , 前面有間食事處 , 就入去睇睇 .


一於兜過去睇睇 .


前面有停車場 .


擺好部車先 , 之前講過 , 平時每次鎖完車後 , 

我例必拉一拉車門 , 試試是否鎖妥 , 不過呢類Keyless , 

一拉又即刻解鎖 , 對我呢類疑心重既人 , 方便變成唔方便 , 激死 !


鎖好車門 , 入去啦 !


一坐落 , 得我一檯客咋 .


四圍望望先 , 時間係12:15


一邊係食堂 , 另一邊係紀念品部 .


食完仲可以行一陣 .


神威岬到達証明書 , 可以印埋日期 , 不過呢類証書 , 

最終都係收埋落櫃底 , 就好似當日 "最北端入油証書" 咁 .  ^^


店長推介 , 羅臼產 "馬糞海膽" 刺身 , 1200Yen .


除 "店長推介" 外 , 仲有套餐供選擇 .


積丹短角牛定食 , 1500Yen . (刺身定熟食架 ? 睇唔明)


不過我想試海膽 , 所以都係揀番 "丼類" .


話咁快就黎到 , 三色丼套餐 , 盛惠2300Yen .


千祈唔好客氣 , 請起筷 .

一直以黎 , 我都唔係太熱衷於海膽 , 今次一試 , 

味道都唔錯 , 不過原來都有高低之分 , 呢度既唔錯 , 

過幾日在 "男鹿半島" 試既更正 , 正式係一山還有一山高呀 .


食呢類海鮮飯 , 本來應該叫番杯啤酒 , 

不過仲要做司機 , 當然唔飲得啦 , 食完出去行一陣 , 

有部CUBE泊嚮度 , 呢款車都有諗過租 , 最終都揀 AQUA .


前面都有D海景睇 .


仲有海鷗添 .


散完步即上 "神威岬" 停車場 , 頭先間食堂就在下面冇幾遠 .


洗手間 .


當時唔知上面有冇開門 , 不過冇乜風 , 個心都稍為定D .


呢邊都有 "清掃協力金" , 每位100Yen .


國定公園 , 神威岬 .


黎張近既 , 一別三年 , 我來也 !


上去咯 .


神威岬自然公園遊步道小案內 .


當日雖然係星期五 , 不過都有D遊人 .


唔通話呢度有寶尋 ?


見到佢中門大開 , 個心當堂定晒 ,

仲開心到Yeah埋出黎 , 1~2~3~ Yeah !


女人禁制之地喎 , 今次仲唔大破神威岬 .


Bye Bye !

沒有留言:

發佈留言

歡迎光臨 , 如果時間許可 , 請留番個言丫 ~