2017/02/27

2017北海道及和歌山11天自駕遊D4-1 ホテルニュー幸林 早餐篇




Hello !


上回講到浸完溫泉冇耐就瞓覺 , 起身就到第四日行程 ...

室內溫度24.2 , 相對濕度百份之20 . 

(個鐘壞左 , 果陣係早上7點幾 , 並非P.M.6:08)


尋晚窗外冇野睇 , 今朝就唔同喇 , 先黎個右邊日出東方 .


再黎過中間魚肚翻白靚雪景 .


最後係左邊既樹林雪景 .


攪掂就落去食早餐 , 記得拎埋張早餐券 .

入場第一件事 , 就係拎番副架生 .


當日人數唔多 , 慢慢影都得 , 

鮮奶 ~ 橙汁 , 大煲飯 , 右邊應該係粥 .


咖啡 ~ 茶 .


麵包 ... (冇貨既 ? )


生菜 ~ 紫菜 .


蛋 ~ 日式幾味 .


換個角度睇 .


雜果 .


講真 ~ 呢度既早餐認真麻麻 , 求其拎幾味 , 填飽個肚就算 .


前面果度就係尋晚晚餐位置 .


食完 ~ 飲埋D野就走得 .


窗口位可以睇街 .


望向停車場 , 大把吉位 .


見唔見我部車呀 ? 我都唔見喎 .


食完上房執齊野鬆人 , 呢度就係櫃檯 .


溫泉有日歸票買 , 大人500Yen .


Bye Bye 喇 , ホテルニュー幸林 .


未 Bye Bye !住 , 做埋運動至走得 .


白雪雪 , 鋪得幾靚丫 .  ^^


車轆邊D鐘乳冰 , 直情可以插死人 . haha ...


車外氣溫 -8度 , 堅呀 .


剷埋D雪就出發 .

Bye Bye !



2017/02/26

2017北海道及和歌山11天自駕遊D3-10完 ホテルニュー幸林 晚餐篇




Hello !


上回講到介紹完房間 , 稍事休息之後 , 落去食晚餐 ...

拎埋張晚餐券落樓下餐廳 , 交俾佢地就識得做野 .

一坐低 , 第一件事當然係叫啤酒啦 , 跟住講下個坐位 , 

表面上係和式打坐 , 其實有個窿可以攝對腳落去 , 好丫 ~ 

不失日式之餘 , 亦唔駛坐到腳痹 , 讚呀 !!


啤酒到 ~ 第一啖連泡沫一齊飲就至正架喇 .


睇睇張菜單 , 不過次次都係睇完就算 , 冇逐樣黎同佢對清楚 .


好 ~ 開始逐樣介紹 , 首先係鍋一個 , 乜野鍋呢 ? 即刻開估 .


原來係帶子(即係帆立貝)雜菜鍋 .


毛蟹一隻 .


漬物 .


雜錦刺身 .


炸物 .


和牛一片


好似茶樓點心 ~~ 魚翅餃 .


壽司 .


蟹汁 . (好好飲)


呢間唯一美中不足係私隱度甚低 , 

隔離果檯由我黎傾歇傾到我走 , 好彩唔知佢講乜 , 

如果講秘密既話 , 肯定俾我知道晒 .


後面果檯又係啦 , 整餐都高談闊論 .


講多兩講 , 食晒咯 .


飯後果兩件咁大把 .  XD


再黎一杯熱茶消滯 .


食完返上房等浸溫泉 , 順帶一提 , 房裡可以開窗 .

即使係開到小小 , 可以開窗既話 , 差好遠架 , 舒服好多 .


都冇乜夜景可言 , 聽朝先介紹日景啦 .


休息期間有乜野做 , 當然係睇電視啦 , 呢位叫做 : 櫻井翔

做過好多日劇 , 印象比較深既係 推理要在晚餐後 飾演 影山先生 .


呢位都係啦 , 真名唔記得 , 淨係知佢在 Doctor X 系列飾演 海老名敬 .


HONDA FREED HYBRID , 好似好正咁 , 有冇得租呢 ? 試下都好喎 .


浸完溫泉返黎 , 再睇電視 , 飲可樂 , 正呀 !


睇多陣攪埋D手尾就瞓覺 .

Bye Bye !

第3日完 .



2017/02/24

2017北海道及和歌山11天自駕遊D3-9 ホテルニュー幸林 房間篇




Hello !


上回講到參觀完 宗谷岬 , 跟手在隔離入埋油 , 

為時已經係四點多DD , GPS預計往旅館要個半鐘 , 

即係5點45分到達 , 之但係5點10分就黑齊 , 換句話講至小要揸半個鐘夜車 , 

雖然極之唔想 , 不過有時都冇辦法 .  =_= !!

襯仲未黑齊 , 影番張先 . 都係果句啦 : 夕陽無限好 , 卻是近黃昏 .


呢度係 道の駅 さるふつ公園 , 上次都有黎過 , 係咁咦影一兩張就算 .


小小黃昏餘光映落部車度 , 又幾特別喎 .


之後果D越行越天黑 , 要留心揸車 , 所以冇影相 .

另外有樣野想講 , 就係即使黑夜駕駛 , 只要有車在前面 , 

就會定當好多 , 方法就係跟住佢後面 , 預留10個車位左右 , 

見到佢收油或者踩Brake果個位照跟 , 總之就由佢打頭陣 , 

就算突然有動物出現 , 都由佢頂住 , 用呢個方法 , 夜車都冇有怕 , 

當然 ~ 大前題係要前面有部車俾你跟 , 否則就要自己硬食 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

去到旅館 , 擺好部車 , 拎齊野去 Check in .


一齊入去參觀間房囉 , 芝麻開門 !!


一入去 , 首先插低條鎖匙先至有電 .


以前講過 , 有D房間一抆條鎖匙出去食飯就會全房冇電 , 

咁叉電中既電器就會斷路 , 用呢招就可以破解 .


相片排名不分先後 , 見乜就影乜 , 先黎個洗手間浴缸等等 ...


鏡 & 燈 .


大床 (右邊)


大床 (左邊)


坐位 & 茶几 .


電視機 ~ 雪櫃 ~ 空氣清新機 . (部電視幾大喎)


通常房裡有空氣清新機 , 我一定會開 .


Wi-Fi 密碼 .


再黎大床 .


大門口 , 旁邊係衣櫃 .


掛衫衣架 .


最後係 早 ~ 晚餐券 .


好 ~ 休息一陣就落去食飯 .

Bye Bye !