2017北海道及和歌山11天自駕遊D1-1完

Hello !

2017年度既 北海道+和歌山11天自駕遊 篇誌 , 現在正式開始 .

1月28日大年初一出發 , 首先搭地鐵往青衣 , 然後再轉機鐵 .

下一站機場 .

行李車在恭候多時 .

今次在T1 Check in , 記得 Peach 好似係在 T2 過喎 ?/

唔緊要啦 , 攪得掂就算 , 仲好啦 ~ 慳番D腳骨力 .  XD

話晒都係農曆年 , 點都要搵D攪作俾人影相 .

金鳳凰 , 好受旅客歡迎架 .

Peach 樂桃航空 E段丫 ~ 唔該 .

前面就係喇 .

上年有舞獅表演 , 今年都唔例外 .

梅花莊 ? 未開始定係散左場 ?

另一邊有地球儀 , 又係好受拍友歡迎 .

係佢喇 ~ 都唔算好多人 , 我預鬆左時間 , 就算多人都唔怕 .

都冇乜野訂方要行 , 爽手D辦妥出境手續 , 過到黎呢邊 .

搵番幾多號閘口 ?

MM064 關西空港 , Gate 210

經過一連串無人列車之後 .

黎到210地段 .

210 號閘口 .

經常被傳媒插既 國泰航空公司 機組 .

遠處一大片工地 , 唔通就係傳說中既第三跑道 ?

影完相 ~ 都要食番D野 , 就 美心MX 啦 .

辣麵套餐 , 盛惠$50.00 

(唔計便利店叮野食) 記憶中 ~ 都係第一次幫襯機場餐廳 . 

話咁快就到 , 果然夠Pro .

亦都係話咁快就食完 , 我都好Pro架 , haha ...

呢餐辣麵好有印象 , 食到我額頭標汗 , 認真唔簡單 . (我唔係好食得辣野)

桃花王 , 正呀 .

抖多一陣就夠鐘上機 , 排隊中 ...

直接就上機 , 唔駛搭接駁巴士 .

雖然冇乜人睇 , 不過都要等佢示範完救生衣先至可以開機 .

全新既入境表格 , 好 ~ 終於都換左以前果種難填既表格 .

咁咪幾好 , 簡簡單單 , 兩三下手勢就填妥 .

報關紙又係有新格式 .

乜都寫 否 就OK .

3小時多DD既機程就到達 關西空港 ,

溫度又唔算太低 , 聽日上 北海道 先至知味道 . haha ...

經過一連串既打手指模入境手續之後 , (今次唔算多人 , 好快就攪掂)

再領回寄艙行李過關 , 打開個篋問長問短就例牌架啦 , 

今次算係點到即止架喇 , 唔駛拎我部MP3機去照X光 . 

攪掂後搭接駁巴士往T1

落車後過隔離租車公司探一探路 , 幾日後要黎呢度攞車 ,

所有租車公司都在呢度 , 左手邊係Toyota , 入小小仲有幾間 .

隔離仲有間LAWSON添 , 夠晒方便 .

上到樓上 , 有間BURGER KING .

24小時營業 , 啱晒我呢類等過夜既旅客 .

黎到日本既第一個消費 , 10號餐一個 .

當時係晚上11:30 , 都唔知叫佢做晚餐定係宵夜好 ?

BURGER KING 對面有個休息室 , 俾旅客大覺瞓 , 裡面似足個集中營 . 

深夜時D友既鼻鼾聲嘈到拆天 , 我都冇入去休息 , 咪攪 .

咁既環境都可以有深層睡眠 , 真係唔知佢地係乜野構造 ? haha ...

過去車站度參觀 , 依家梗係拉晒閘啦 .

JR線 .

南海線 .

買飛位 .

過番黎T1呢邊 , 裡面仲有坐位休息 .

漫漫長夜 , 自己搵個位休息啦 .

不過咁既環境 , 只係可以閉目養神 , 當硬食一晚通頂 .

第一日完 .

Bye Bye !