2017/02/24

2017北海道+和歌山11天自駕遊D3-9 ホテルニュー幸林 房間篇




Hello !


上回講到參觀完 宗谷岬 , 跟手在隔離入埋油 , 

為時已經係四點多DD , GPS預計往旅館要個半鐘 , 

即係5點45分到達 , 之但係5點10分就黑齊 , 換句話講至小要揸半個鐘夜車 , 

雖然極之唔想 , 不過有時都冇辦法 .  =_= !!

襯仲未黑齊 , 影番張先 . 都係果句啦 : 夕陽無限好 , 卻是近黃昏 .


呢度係 道の駅 さるふつ公園 , 上次都有黎過 , 係咁咦影一兩張就算 .


小小黃昏餘光映落部車度 , 又幾特別喎 .


之後果D越行越天黑 , 要留心揸車 , 所以冇影相 .

另外有樣野想講 , 就係即使黑夜駕駛 , 只要有車在前面 , 

就會定當好多 , 方法就係跟住佢後面 , 預留10個車位左右 , 

見到佢收油或者踩Brake果個位照跟 , 總之就由佢打頭陣 , 

就算突然有動物出現 , 都由佢頂住 , 用呢個方法 , 夜車都冇有怕 , 

當然 ~ 大前題係要前面有部車俾你跟 , 否則就要自己硬食 .  ^^

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

去到旅館 , 擺好部車 , 拎齊野去 Check in .


一齊入去參觀間房囉 , 芝麻開門 !!


一入去 , 首先插低條鎖匙先至有電 .


以前講過 , 有D房間一抆條鎖匙出去食飯就會全房冇電 , 

咁叉電中既電器就會斷路 , 用呢招就可以破解 .


相片排名不分先後 , 見乜就影乜 , 先黎個洗手間浴缸等等 ...


鏡 & 燈 .


大床 (右邊)


大床 (左邊)


坐位 & 茶几 .


電視機 ~ 雪櫃 ~ 空氣清新機 . (部電視幾大喎)


通常房裡有空氣清新機 , 我一定會開 .


Wi-Fi 密碼 .


再黎大床 .


大門口 , 旁邊係衣櫃 .


掛衫衣架 .


最後係 早 ~ 晚餐券 .


好 ~ 休息一陣就落去食飯 .

Bye Bye !



8 則留言:

  1. 諗起東橫INN都係插低條鎖匙先至有電
    要用筷子/筆去解決-_-

    回覆刪除
    回覆
    1. 所謂絕招破絕招 , 筷子呢招已經被破 , 之後既行程就會見到 . =_= !!

      刪除
  2. 用筷子插住又系得喎,今晚回東橫就用呢招
    現在去緊定山溪探河童丫

    回覆刪除
    回覆
    1. 今晚回東橫就用呢招 ? 即係依家身在日本 , 北海道天氣如何 ?
      黎個現場直擊報導 , 堅呀 .
      去定山溪係咪搭溫泉巴士呀 ? 二見吊橋附近D貓仲有冇呀 ? Yeah !!

      刪除
    2. 琴晚好差大雪丫,行左一陣變左雪人

      因為晏左出發,無留意二見穚原來在觀音格離,去完定山溪神社個邊後吾夠時間去
      去到溫泉公園時,佢要維修無得入去丫嗚。

      現在坐JR去小樽 今天整天在小樽應該可以hea D 慢慢行☺

      刪除
    3. 補充去時坐普通巴士,返時咁岩河童巴士有位,又吾想等多成個鐘到5點幾先走,所以放棄二見穚坐河童巴士回札幌😭

      刪除
    4. 大雪咁大鑊 ? 夠唔夠衫呀 ? 香港呢邊都好凍 , 不過當然唔夠你果邊凍啦 .
      維修無得入去 , 太可惜喇 .
      小樽一日遊 , Yeah !!

      刪除
    5. 河童巴士 , 我都想一試 . ^^

      刪除

歡迎光臨 , 如果時間許可 , 請留番個言丫 ~