2017/02/16

2017北海道+和歌山11天自駕遊D3-3 冰面跣呔篇




Hello !


上回講到參觀完 道の駅 おびら鰊番屋 , 繼續北上 ...

今次呢篇叫做 冰面跣呔篇 , 同跟住既景點有莫大關係 , 

不過依家仲有地方介紹 , 一陣先講 .

沿住海邊行 , 見到中間果條橙色線 , 即係不准扒頭 .


前面有堆大風車 , 咁啱有個凹位 , 停低影番幾張 . 


今次主角並非大風車 .


而係海景 , 先黎左邊 .


再黎中間 .


最後係右邊 .


今次主角係右邊既遠處 , Zoom近D睇就明白 .


 如果冇估錯 , 佢地就係 羽幌町 既 天売 & 焼尻 兩個島 . 

至於邊個係 天売 ? 邊個係 焼尻 ? 我都唔知道 , 一陣搵下資料 , 或者會有答案 .


影完 ~ 請上車 . (左右各有死氣喉 , 好似好勁咁)


好 ~ 依家就講今次正題 ~ 跣呔 ! 今次行程 北海道 呢程就有雪 , 

大阪 和歌山 想搵滴雪都難 , 所以跣呔事件集中在 北海道 , 

呢程都跣過幾次呔 , 好彩速度唔高 , 所以仍然在控制之內 , 而第一次跣呔 , 

就在入呢個 道の駅 既路口 , 呢個 道の駅 叫做 風Wとままえ

當時係落緊斜 , 由大路轉右入小路 , 一扭軑 ~ 點解向左邊西出去既 ? 

越轉就越西向左邊 , 唯有踩停部車 (後面冇車跟住) 心諗 : 點解轉向不足既 ?

咁樣扭軑既程度 , 冇理由會咁架 ? 好彩車速唔高兼個路口夠闊先至受控 , 

否則咪炒埋路邊 , 險呀 ! 之後再泊好部車 , 落車時終於知道發生乜野事 .

呢個就係 道の駅 風Wとままえ .


原來整個路面都結晒冰 , 就咁行都要小心 .


十足十溜冰場咁 , 如果係大斜路 , 真係要著釘鞋至行得到 .


好唔容易先至行到 道の駅 入口 .


裡面除左係一般 道の駅 之外 , 仲係一個溫泉 .


就黎 11:00


紀念品部 .


參觀完畢 , 可以返上車 , 不過要好聲行 , 小心地滑 .

Bye Bye !



4 則留言:

  1. 近排見你日日出post,無去捉精靈咩,今日開始又有新嘢捉喎...

    回覆刪除
    回覆
    1. 啱啱返黎 , 梗係要打響個頭炮啦 , 所以咪日日寫囉 .
      係呀 ~ 今日非常之熱鬧 , 屋企樓下開晒櫻花 , 好耐未見過 .
      所以星期六休息 , 出去捉野 . ^^

      刪除
  2. 雪天去北海道 無論在馬路開車, 或者在行人路上行, 都要小心地滑
    下星期北海道之旅我都準備左雪爪已備不時之需

    回覆刪除
    回覆
    1. 在行人路跣腳 , 今次試過一次 , 好彩冇跌 . XD
      雪爪鞋 , 係咪即係加D野套在鞋上果D . 我都冇買到 .

      刪除

歡迎光臨 , 如果時間許可 , 請留番個言丫 ~