2010/12/27

2010北海道10天自駕遊(修訂版)D10-2完(終極回港篇)




Hello !


上回講到食完個拉麵套餐 , 行多陣就返酒店取回行李 .

行去搭巴士出機場 , 我鍾意坐巴士出機場多過搭JR ,

不過今次恐怕要斷路 , 點解呢 ? 話說當日拎齊行李去巴士站等車 , 

等一陣就有巴士黎 , 不過司機一落車 , 就同我講話唔知乜野事 ? 

(其實係我唔識聽) 話要磨到 P.M.5:00先至可以到達機場喎 , 

問我得唔得 ? 我話 : 梗係唔得啦 ! 無奈之下 , 

唯有改搭JR啦 , 好彩好近既唶 .

呢度係巴士站 , 對面就係JR札幌駅 .


呢度買車飛 .


新千歲空港 , 大把班次 , 坐到你唔坐都得 .

(當時係14:00 , 坐巴士要17:00到機場 , 唔掂)


買完飛就入閘 , 上到月台 , 幾多人喎 , 

拎住件大行李 , 都幾辛苦 , 呢個就係我唔太鍾意搭JR既原因之一 .


好唔容易之下 , 終於搵到個位坐 . 1040Yen . 

(巴士平過佢40Yen)  ^^


成部 "北斗X號" 咁款 , 好有型呀 !


大約半個鐘頭多DD就到步 , 

上到機場 Fleur 大商場 , 今次冇乜點影相 .


部汽水機好搶眼 , 令人好有購買欲 , 好想買番幾罐野飲 .


過關之後 , 仲有小小野賣 , 雜誌OK嘛 ?


BLUE SKY .


仲有 "便當" , 正呀 .


好快就排隊登機 .


呢程機只係內陸機 , 往 "羽田機場" .


只需一小時多DD就到步 .


Check in 果陣職員話D行李會直接送到 "香港" ,

唔駛中間拎番再寄倉 , 幾好丫 .可以輕輕鬆鬆咁搭免費巴士去 T2 .


就係呢度 , 上車喇喂 .


大把位 , 點坐都得 .


話咁快就到 .


當時係19:45


飲杯茶 , 食個包 .


仲有時間可以慢慢行 .


SHISEIDO .


唔買都睇睇啦 .  ^_^ !!


T2 呢邊地方好細 , 得3個閘口 .


100Yen 10分鐘 .

(想幫襯果陣就有人用緊 , 冇人用果陣自己都要上機)


一上機就到 "香港"  , 呢度都算係最後一擊 .


入番些小貨咁啦 .


要坐接駁巴士先可以上機 .


呢程機要幾近4小時 .


飛機餐 , 唔客氣喇 .


幾經艱辛 , 終於捱到降落兼過埋關 , 

第一件事係隻錶較慢番一個小時先 , 等到埋行李 , 

時間係 00:05  (香港時間)


習慣上係坐一程機鐵往 "青衣" , 再轉的士 .


快D呀 , 歸心似箭 . haha ...


Bye Bye !

第10日完 .

全篇完 , 多謝收睇 .

.

2010/12/25

2010北海道10天自駕遊(修訂版)D10-1味之時計台篇




Hello !


上回講到食完個 "鐵板燒" 之後行番酒店 , 

睇多陣電視就休息 .

一宿無話又到朝早 , 基本上所有行程都攪掂晒 , 

所以今日可以晏小小起身 , 攪掂之後落樓下食早餐 .

食完上房執拾好細軟之後落大堂 Check out , 

埋單俾1000Yen停車場費就OK .

跟手交低D行李俾佢托管 , 就可以出街行 ,

上兩篇 "還車篇" 咪話當時已經諗定下次租邊種車既 ,

於是出去租車部既車位 , 參觀佢地既車款 .

咦 , 呢款唔錯喎 , 個樣夠晒辣 . 


PRIUS 當然辣啦 , 租價亦都好辣 .  ^^

部車有型之外 , 仲係混能車 , 果陣對混能車都仲好陌生 .


轉睇隔離既 RACTIS , 簡簡單單 , 正 .


細細部咁 , 一個人啱晒 .


再睇埋旁邊既 bB , 外形趣怪 .  (不過我比較鍾意白色車)


呢款車係Blog友 : Nerissa 推介 , 唔錯架 .


TOYOTA 既租車部在 "京王酒店" 地庫 B1 , 記住呀 .

(側邊有樓梯落去 , 唔駛經酒店大堂)


唔記得講埋 , 托管行李既牌仔 . No.55


之後向JR駅方向行 , 途中見到一堆人 , 攪乜鬼呢 ?


原來係美化街道 , 有意思呀 . (我都想幫手 , haha ... )


Hotel Gracery 相信下次黎 "札幌" 好大機會入住 .


或者翻兜 JR日航酒店都唔錯 . Yeah !


一場黎到 , 順便參觀埋個巴士總站 .


有10幾條路線 , 去邊度都得 .


上次去 "定山溪" 溫泉套票 , 就係呢度買 .


加價100Yen . (通貨膨脹 , 冇辦法啦)


其他路線巴士時間表 .


咪走呀 , 等埋 .  ^^


攪掂就去搭地鐵 .


呢度買車票 .


搭一個站200Yen .


剛剛走了部車 , 好彩唔係趕時間 , 相反係大把時間 .


好快就到 "狸小路" , 雖然今次行程 , 以觀光為主 , 

不過一場黎到 "札幌" , 點都要行一行 "狸小路" , 叫做Shopping一番啦 .


"企鵝王國" 好多野賣 , 好好行架 .

千祈唔好睇小佢 , 分店遍佈全國 .


話咁快就行到中午 , 就去呢間禮品店入貨 , 

上次都係呢間入貨 , 有九折架 .


係咁咦買小小啦 .


又到午餐既時候 , 行番去酒店之前 , 食埋午餐先 , 

早幾篇咪話黎呢度食既 , 一於入去 .


上次又係黎呢間食 , 我份人真係念舊 . haha ...


地方一D都冇變 .


好彩有其他顧客 , 唔駛鋪鋪都包場咁陰公豬 .


無車一身輕 , 幾大都啤一啤佢 .


主菜到 , "牛油帶子拉麵" . Yeah !


咁高興 , 又點小得餃子 .


黎個大合照 , 唔知既話 , 仲以為拎番上次張相出黎 .


埋單丫 , 唔該 .  2250Yen .

都幾貴喎 , 不過物有所值既 .

Bye Bye !.