2010北海道10天自駕遊(修訂版)D9-9札幌Dome篇

Hello !

上回講到離開 "羊之丘" 之後 , 

即刻去隔離果個 "札幌Dome" , 上篇講過 , 錯失個入口 , 

又要兜多個圈 , 白白D浪費時間 , 激死人 !

幾經艱辛 , 終於到達 , 泊車費300Yen .

攪掂部車之後 , 沿住個邊搵入口 , 

呢度成隻UFO母艦咁款 , 估唔到地方勁大呀 .

講番D簡介 : 呢個 "札幌Dome" , 

係球隊 "札幌岡薩多" 既主場之一 .

而另一個主場 , 亦即係下一個景點 , "札幌厚別公園競技場" .

呢度係 Dome 既外圍球場 , 冇觀眾席 , 

我諗都係用黎練習居多 .

果然係呀 , 最底果度寫住 "足球練習場" .

售票及詢問處 .

搭電梯上去 , 出黎見到呢度 , 

咦 , 打棒球既 , 玩 TOUCH 甲子園咩 ?

呢度應該以棒球為主打 , 足球只係搭單 .

不過地方都唔錯 , 坐滿人一定好熱鬧 , 加油 ! 加油 !   ^_^ !! 

有兩位姐姐嚮度參觀 .

呢個一定係發球機 , 鋼管成支坦克炮咁堅 .

俾佢既發球擊中 , 真係邊度都唔駛去 . haha ...

呢度就係展望台 , 不過當日發現呢度同足球唔多啦更 ,

心情涼咁一截 , 都冇上去咯 .

展望台既章程簡介 .

參觀完畢 , 落番到賣飛果度 , 有D手印喎 , 玩 "如來神掌" ?

"松本孝弘" 我諗都係棒球員 , 唔多認識 ?

不過就算係足球員 , 都認識唔多 .

P.S. : 原來 松本孝弘 係B'z既主音 , 真係失覺晒 . 

Sapporo Dome Location Map .

記得上次去 "白之戀人館" 對面個球場 , 

果度都有紀念品賣 , 呢度唔知係地方太大搵唔到 ,

還是要有賽事期間先發售 , 硬係搵唔到個紀念品部 ,

冇乜心機之下 , 唯有同呢度講 Bye Bye !

諗住去下一個主場果度 , 諗住果度係正宗主場 , 

應該會好似 "車仔" 既主場 : 史丹福橋球場咁既級數 , 

點知希望越大 , 失望越大 .  >_< !!

20分鐘車程 , 到達另一個主場 "札幌市厚別公園競技場" .

擺好部車後入去 . (免費泊車)

終於明白到 , 乜野叫做 : 一蟹不如一蟹 , 

石屎坐位場 , 旺角花墟球場 , 愉園對精工咩 ?  ^^

起初以為呢度會有D睇頭 , 點知都係唔得 .

只不過係一個普通過普通既球場 .

基本上連紀念品部都冇 , 唔怪得佢地降班 , 

跌番落 "日本乙組聯賽" 啦 .

連最起碼既 "紀念品" 部都唔整番個 .

不過最大收獲係可以親身落到球場 , 見到D學生跑步 , 

突然間自己都想跑番兩個圈呀 . Yeah !

去埋最後一個景點 , 就要還車 .

Bye Bye !