2012/06/29

2012北海道10天霧地自駕遊(修訂版)D2-11完(知床通宵車篇)




Hello !


上回講到離開 "黃金岬" & "寶島" , 呢篇繼續 .

當時時間話早唔早 , 話晏又唔算太晏 , 不過之前唔知有冇講過 ,

今次行程以 "知床" 對落為主打 , (當時未知勁大霧 .  >_< !! )

所以放棄 "島武意海岸" 及 "神威岬" 呢兩個景點 ,

之後開車往下一個目的地 , 就係 "知床" , 呢篇主要想講心路歷程 . 

(而且通宵駕駛 , 精神要高度集中 , 所以沿途都冇乜點影相) 

由 "積丹半島" 美國港 (即係 "水中展望船" 碼頭) 

行車往 "知床" (總站係 "道の駅" うとろ・シリエトク ) 

根據Google地圖報料 , 全長486km , 就算行埋 IC , 

需時都要9小時零40分鐘 , 比起上次由 "札幌" 往 "稚內" 374km ,

仲要多足100km , 認真唔簡單呀 , 不過呢一程車 , 我都期待了好耐 .

自從第一次自駕遊未開始 , 心裡面已經有呢個構思 , 

橫掂都租左部車 , 點解唔車盡其用呢 ?

只不過當時係首次自駕遊 , 個牌又雪藏了行久 , 

對各方面都唔係好熟習 , 所以唔敢謬然一試 .

直至第二次自駕遊 , 由於係冬天落雪 , 更加唔想嘗試 .

等了兩年 , 今次終於機會到 , 我個人認為 : "北海道" 通宵自駕遊 ,

一生人起碼都要試一次 , 真係好爽架 .

雖然唔係完全冇車 , 不過好大段路程都係四野無車 , 

即使有 , 絕大部份都好似去攞出世紙咁 , 一經俾佢地扒頭 , 

點樣努力都跟唔到佢車尾 , 簡直就係 "頭文字D" .  ^_^ !!

而期間仲發現一個大秘密 , 就係 "道東" 果頭既有鹿跳出黎既路牌 ,

一直都以為佢嚇鬼 , 原來真正目的 , 係俾夜晚駕駛者睇 .

因為入夜之後 , 真係有動物橫過馬路 , 一個唔小心撞鬼死佢就唔係咁好啦 .

仲有 , 深夜駕駛果陣 , 係有必要開高燈 , 

因為高燈既燈光反射落遠處D螢光棍果度 , 真係望遠好多 , 

雖然高速公路有街燈 , 不過完全冇燈既地方都唔小 , 

條路黑媽媽淨係靠車頭燈睇路果種緊張刺激法 , 

絕對非筆墨所能形容 , 所以呢程通宵車 , 

係今次失敗之旅既其中一樣成功 ,叫做加番D分咁啦 . 

好喇 , 都講左咁耐 , 係時候介紹僅有既相片 .

呢張係高速公路中途休息站度影既 , 深夜果陣 , 

休息站店舖關門 , 淨係開洗手間與自動售賣機 , 

好彩我一早已經入定貨 , 以備不時之需 .


另外駕駛夜車時最忌瞌眼訓 , 唔係誇張 , 之後過幾日 , 

"日本" 當地就有呢類新聞 , 仲好似死左幾個 , 都幾嚴重 . 

所以我非常之留心 , 稍為覺得唔妥都停埋一邊 .

唔記得行了幾耐咯 , 淨係知右手邊係 "網走駅" . 

(深夜經過呢度 , 真係冇乜幾可)


前面左手邊應該係 "網床破冰船" 上船果個 "道之駅" .

(駕駛中影相 , 係咁上下 . haha ... )


凌晨3點鐘 , 終於到達預算停低既 "道の駅" . (即係 うとろ・シリエトク )

有幾粒鐘可以瞌番陣 , 聽日再搏殺過 .


雖然好過癮 , 不過真係幾疲倦 , 玩通宵車呢味野 , 

最好預計埋充足既體能 .

咁大個 "道の駅" , 只係得兩部車停泊 , 仲有一樣值得一提 ,

就係梳洗過後 , 本來諗住開小小窗瞌到天光 , 

點知果度深夜刮起大風沙 , D沙吹落部車度都啪啪聲 ,

如果打開窗 , 部車肯定唔駛要 , 

所以索性關埋車窗鎖好門大覺訓 , 好彩都唔算太焗 .

係咁先 , 要瞌埋果幾粒鐘 .

Bye Bye !

第二日完 .

2012/06/27

2012北海道10天霧地自駕遊(修訂版)D2-10黃金岬&寶島篇




Hello !


上回講到坐完 "水中展望船" , 呢篇繼續 .

下一站就在隔離 , 叫做 "黃金岬" , 

搵料時話呢度可以望到對面 "寶島" , 不過落車一望 .


對正一幢牆 , 左邊一座山 , 何來 "寶島" 呢 ?


隔離就係呢座山 .


另一邊仲有人燒垃圾 , 燒垃圾都算 , 

邊條衰神燒塑膠 , 攪到四圍鬼咁臭 , 有毒架嘛 .


即刻上車往另一邊 , 即係過條短隊道果邊 .


呢度先至係 , 各位觀眾 : 寶島 .


Zoom近D睇過 .


呢度可以落海灘 .


中間有舊大石 , 一陣過去睇睇 .


白色一點點 ? 乜東東黎架 ?


原來係海鷗 .


返黎石灘呢邊睇 .


配上小小海浪聲 , 好好聽呀 .  ^^


仲有隻海鷗陪我一齊分享 . haha ...


有條小河 , 睇完就去大石果度 .


好快就到 , 真係好大舊石喎 .(側邊似唔似人面剪影呀) ?


攪掂晒 , 又要去下一站 .


果陣經已四點幾 , 上幾篇咪話玩晏左既 , 

其實仲有地方想去 , 就係 "島武意海岸" 同埋 "神威岬" , 

去 "島武意海岸" 需時半粒鐘 , 去埋 "神威岬" 又要多半粒鐘 , 

唔係去到影張相就走 , 如果加埋遊覽時間 , 又要預鬆D , 

而 "神威岬" 話就話收6點 , 不過5點已經想拉閘 , 

經過一輪交戰之後 , 決定將呢兩個地方留番下次 , 

依家先去下一個景點 , 就係 "知床" .

GPS顯示 , 由 "積丹半島" 去到 "知床" , 要12個小時車程 .

唔駛驚住 , 速度可以壓縮行車時間 , 話雖如此 , 

實際行起上黎 , 呢程車一D都唔簡單 .

Bye Bye !

2012/06/25

2012北海道10天霧地自駕遊(修訂版)D2-9積丹水中展望船篇B




Hello !


上回講到乘 "水中展望船" 遊覽 , 呢篇繼續 .

最大搭載人員80人 , 不過今程船員連乘客都係得6人 ,

唔知搵唔搵得番油錢 ? 不過做生意係咁架啦 , 

拉上補下嘛 , 唯有下轉搵多D啦 . =_= !!


繼續觀光 .


如果繼續航行既話 , 應該好快就到 "神威岬" , 

不過當然冇駛到咁出啦 .


淨係附近都好好睇 .


夏天果陣D植物變晒綠色 , 應該會更加好睇 .


滿山翠綠 , 正 .


黑洞一個 , 裡面會否有生物 ?


充滿神秘既呢 .   ^_< !!


去到呢度差唔多要回程 .


Bye Bye 喇 .


開得都幾快 .


有D唔捨得添 .  ^^


當然冇咁快玩完啦 .


依家先至係戲肉 .


餵海鷗呢家野 , 真係百玩不厭 .


黎喇喂 , 準備 . 1 ~ 2 ~ 3 開始 !


Wow , 登時禾雀亂飛 , 賓墟咁既場面 .


陸地餵海鷗 , 同船上餵海鷗 , 又係另一回事 .


隻船準備定大量麵包皮 .


追呀 , 追呀 .


果然係一個好正既 "餘興節目" , 1300Yen船費 , 簡直係超值 .


可能佢見我玩得咁高興 , 所以俾左好多兜麵包皮我 , 

可謂盡興而歸 . (唔止呢幾兜架)


幾位老人家可能唔係咁貪玩 , 見佢地都係點到即止 . 

有兩兜剩餘物資 , 好浪費唶 .  =_= !!


始終都要埋岸 .


就係呢三位長者 , 多得佢地成全 , 先有今次呢程船 .


落船喇 , Bye Bye .


部車就在碼頭隔離 , 非常之近 .


各位釣魚人士 , 記得帶埋D垃圾走 , 唔該晒 .


Bye Bye !

2012/06/23

2012北海道10天霧地自駕遊(修訂版)D2-8積丹水中展望船篇A




Hello !


上回講到在 "水中展望船" 售票處 , 呢篇繼續 .

諗住再一次食閉門羹 , 正想上車鬆人之際 , 

突然俾佢叫返轉頭 , 原來有幾位老人家到場想坐船 , 

既然有船開 , 當然就唔好浪費佢啦 , 做多一個得一個嘛 .

佢地三位加埋我一共四位 , 可以開番一班船 , 

如果早D走左既話 , 就冇得坐呢一趟船 , 險呀 .

再一次擺好部車 , 入去買番張飛先 .


船票一張 , 1300Yen .

(影張相留為紀念 , 記住呀 ,  一位唔開船 , 最小兩位)


買飛果陣 , 佢問我嚮邊度黎 , 我答 : "香港" , 

之後D工作人員 , 去碼頭度扯起 "特區" 區旗 , 勁呀 .

(唔知準備定幾多個國家既國旗呢) ?


歡迎 ! 歡迎 ! 熱烈歡迎 . haha ...


其實果陣隻船都未返黎 , 大約20分鐘 , 隻船先至到碼頭 .


一上船 , 首先參觀個駕駛室 .


左手邊樓梯 , 一陣可以落去參觀船底 .


嘩 ! 塊玻璃蒙查查咁 , 有冇打掃架 ? 抹抹佢好喎 .


幾位老人家依家先上船 , 冇佢地就冇呢程船 , 多謝 .


上齊人 , 可以開船 . (得四位乘客 , 話都冇咁易)


一陣D坐位濕晒 , 所以中間預備定毛巾 , 隨時可以抹乾 .


開船 , 日本國旗 , 充滿日本Feel . 


隻船都郁得幾勁 , 好彩冇暈船浪 . 


經過一個碼頭 , 岸邊有人揮手 . Hello !


燈塔一個 .


船上導遊不斷講解經過邊度邊度 , 不過一句都唔識聽 .


天色依然麻麻地 .


不過冇落雨 , 好彩 ! (過幾日就冇咁好彩咯)


風高浪急 , 好正呀 .


經過好多 "三尖八角" 島 .


行左無耐 , 佢叫大家落下層睇野 .


大家一齊參觀 .


一舊舊果D係海膽 .


D船邊都黐得幾穩陣 , 冇乜漏水 . ^_^ !!


我對水面興趣大過水底 .


所以睇一陣就上番上層繼續睇風景 .


又一個古怪岩石島 .


我最鍾意睇呢D .


若然可以上埋岸 , 咁就仲正 . haha ...


呢篇睇住咁多先 , 仲有下集 .


Bye Bye !