Hello !
上回講到在 "祝津展望台" 參觀 , 呢篇繼續 .
離開後去到一個類似碼頭既地方 , 淨係得D船泊嚮度 ,
可謂四野無人 , 絕對適合跟住呢個節目 .
得個碼頭同海鷗 , 有乜野好玩呀 .
之唔係玩餵海鷗囉 . ^^
果陣帶埋盒貓糧黎餵海鷗 , 其實唔知道會唔會見到貓 ,
如果見唔到 , 盒貓糧帶番 "香港" 都冇意思 , 因為我都冇養貓 .
所以咪優先處理左佢先 , 不過遲D真係見到隻貓呀 ,
仲係肥大肉厚果隻添 , 真係正到冇朋友呀 . haha ...
起初都有些小擔心 , 海鷗食唔食貓糧既呢 ?
好快所有既擔心都一掃而空 .
都不知幾咁踴躍呀 , 真係多多都唔夠食 .
餵海鷗呢樣野 , 快有快玩 , 慢有慢玩 , 今次就係揀左慢玩 ,
所以耽誤左D時間 , 攪到之後行程有D失當 , 睇埋落去就知發生乜野事 .
不過餵海鷗真係好好玩架 .
終於都餵晒盒貓糧同餅乾 , 之後去下一個景點 .
其實呢度上次都黎過 , 係一個 "慰靈碑" .
去開 "積丹半島" 既 Blog友 , 應該都會好熟路 .
唔通日落睇靚D ?
天陰陰咁 , 好彩冇落雨 .
洗手間一個 .
地圖一張 .
繼續往下一站 , 火車捐山窿 . ^^
到達另一個碼頭 , 不過一隻船都冇 .
呢度就係 "美國港" , 係 "水中展望船" 上船既地方 ,
上次黎過咪話 "荒天欠航" 既 , 今次都係欠航呀 ,
不過就唔關 "荒天" 事 , 係關欠人事 .
佢話咁既天氣都會開船 , 不過最小都要兩個人 ,
而我得一個人 , 油錢都搵唔番啦 , (設計對白)
結果都係失敗而回 , 正想上車之際 , 突然 ...
突然乜野呢 ? 咁就要下回分解 .
不過咁樣講 , 梗係上到船啦 , 發生乜野事 ?
下篇講你知 ...
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~