2017/04/30

2017北海道及和歌山11天自駕遊D7-2 再戰和歌山城篇A




Hello !


上回講到食完早餐之後 , 上房執野準備鬆人 ...

上車之後 , 本來想直接往 白浜 方向行 , 不過心諗 :

一場黎到 , 如果唔上 和歌山城 度參觀 , 好似好浪費行程 ,

好 ~ 一於再上多次呢個 和歌山城 , 叫做圓滿呢個景點 .

行過幾條街 , 又泊番呢個停車場 , 最主要原因係 : 無料 . haha ...



停車場分兩層 , 地下多數爆滿 , 二樓就大把位 .


過對面馬路 , 再一次經過歷史館 .


其實都可以入去睇下既 , 不過一心想入城 , 忽略左呢度 .


有 FREE Wi-Fi .


呢個係大巴停車場 , 要行上山上既山城 , 有排行 .


 溫泉案內 ?


呢度除左 山城 , 仲有好多野參觀架 .


天守閣 , 左手邊510m .


大鳥居 , 尋晚隻貓唔見左咯 .


上到去即刻買飛 , 入場費 410 Yen . (呢度係入口 , 買飛在下面)


蓋章處 .


入場券 & 簡介 .


今日藍天白雲 , 好好天氣呀 .  ^_^ !!


目標就係右邊果位既露台位 .


洗手間 .


天守閣簡介 .


模型一座 , 好精細呀 .


隔離呢D比較簡單 .


好有特色既吊燈 .


盔甲一套 , 令我諗起 大金冷氣 R32雪種廣告 .  XD


良弓藏 .


舊式武器 , 唔知係真品定係仿製品 ?


有部份展品寫住不準影相 .


擺得上呢度果D都係可以影相 , 費時破壞人地規矩啦 .


又一套盔甲 .


最低果支都幾特別 , 非刀非棍 , 又唔係狼牙棒 .


龍頭 .


太鼓 .


手字唔錯喎 .


仲有其他參觀人士 .


紀州德川家 .


講開 紀州 , 又要講題外話 , 近日 阿信屋 做七折 , 

頭先幫襯佢買左幾支 紀州梅酒 , 正呀 !

大家有冇去掃貨呀 ?

Bye Bye !

聽晚仲有篇B



2017/04/26

2017北海道及和歌山11天自駕遊D7-1 ホテル アバローム紀の国早餐篇




Hello !


上回講到浸完溫泉返黎 , 睇多陣電視就瞓覺 ...

早晨 ~ 踏入第七日 , 今日主要行程係落 白浜 果頭 , 中途見乜睇乜 .

依家先睇街景 , 由左至右咁掃過去 , 先黎左邊 .


跟住係中間 , 天氣唔錯咁喎 .  ^^


最後係右邊 , 呢度見到 和歌山城 .


Zoom近D睇過 , 果然係喎 , 唔錯 .


攪掂街景呢Part , 跟住就係食早餐 , 梳洗過後拎埋張早餐券落去 .

入場後先搵個位坐 , 之後就可以出黎搵野食 , 先攞份架生 .


充滿自助餐Feel , 因為本來就係自助餐 . haha ...


呢度人數唔算多 , 但係野食就好豐富 .


首先介紹個主打 , 煙肉腸仔類 , 冇佢真係唔掂 .


之後果D就隨意介紹 , 見乜影乜 .


飯 & 麵豉湯 .


麵包亦係唔小得 .


白汁磨菇 ?


中間果兜似加大既 焗豬扒飯 .  XD


大根 .


咖啡 . (必飲)


果汁 ~ 鮮奶 ~ 茶 .


又係麵包 .


雜菜類 .


又係雜菜類 .


生菜 ?


揀好未 ? 攪掂就搵個位 , 大把位任揀 .


就呢度啦 , 我同佢地兩檯咁大把咋 .


開餐 .


轉眼就清檯 .


食完上房執野走 , 樹下黑色果部車就係我既 VEZEL .


下篇正式出發 .

Bye Bye !

P.S. : 差D漏左報價 , 尋晚酒店一泊二食冇溫泉 , 11500Yen埋單 .