2017/04/07

2017北海道+和歌山11天自駕遊D5-9 旭川道の駅篇




Hello !


上回講到食完個勁飽既午餐之後 , 返回道の駅 ...

講起呢個 旭川道の駅 , 上年就係搵佢唔到 , 

所以先至去 びっくりドンキー 借洗手間 , 今次搵到佢 , 

當然要好好咁參觀一下佢啦 .


入到去 , 首先見到詢問處 . (冇人既 ? 唔通去左食飯 ? )


冇人都唔緊要啦 , 至在參觀下D地方啫 .


商店一間 .


食堂一間 , 梅光軒 在 旭川 個朵好行架 .


咦 ~ 呢間仲未開檔既 ? 午市咯喎 .


在商店買小小野就上車 , 係時候返 札幌 還車 , 車程都要兩個幾鐘架 .


街上冇乜雪之餘 , 旁邊仲有個大水氹 .


行多兩行 , 轉上高速公路 , 今次上高速 , 又見到奇景出現 .

呢個景以前都領教過 , 所以叫做有小小經驗咁啦 .

話說在高速公路上 , 慢線車輛既車速 , 比平時既速度有D唔尋常 , 

(雖然係慢線 , 一般都有80km或以上)

不過都上去睇睇 , 在慢線既源頭 , 係一輛警車 , 咁就一切都合理化 ,

快線既車唔敢爬佢頭 , 在慢線陪佢一齊慢行 , (70km左右)

漸漸地排成一條車龍 , 間唔中有D唔知訂既司機諗住在快線衝鋒 , 

一去到接近龍頭見到警車 , 即刻就攝番入慢線排隊 , 通常我都會俾個位佢地入 , 

況且我都唔敢跟得前車太貼 .之不過咁樣都唔多妥喎 , 

話晒高速公路都要收費 , 長時間用70km黎行車 , 消耗晒D時間 , 點先 ?

好彩 ~ 去到某個休息站 , 佢駛左入去 , 高速公路先至重整番應有秩序 .


就係呢個休息站 , 叫做 音江PA .


在高速公路見到佢 , 真係要識得執生 .


去完洗手間 , 上車 .


跟住馬不停蹄 , 直出札幌 .

之前好似有講過 , 進入札幌地段 , 天氣不斷咁差落去 .


仲有小小時間 , 還車前參觀埋呢個地方 .

呢度係我第一次自駕遊果陣都想參觀 , 可惜時間夾唔到 .


Bye Bye !



沒有留言:

發佈留言

歡迎光臨 , 如果時間許可 , 請留番個言丫 ~