2011/10/29

2011北海道10天雪地自駕遊(修訂版)D8-2アイヌ部落篇




Hello !

上回講到解除危機後 , 即刻出發 .

第一站兜去 "溫泉街" 繞場一周 , あかん湖溫泉 .


呢間好型既建築物 , 其實係觀光情報 センター , 

有乜唔明就問佢啦 .  ^^


尋晚經過既 "溫泉街" 紀念品商店 .


盡頭右手邊就係 "鶴雅" 酒店 .


阿寒湖溫泉 , あかん遊久の里鶴雅 , 好豪既呢 .

剛Check過 "樂天" , 平Plan都要17325Yen(一泊二食)

又唔算太貴既 , 勉強可以接受啦 .


條路冇晒雪堆 , 靠晒佢 , 唔該晒 .


"貓頭鷹" 村 (愛奴族人) , 日頭感覺係咪唔同呢 ?


好似好冷清咁 , 唔通未起身 ?

都係唔好騷擾佢地 , 在外圍影相算數 .


アイヌ 部落歡迎你 .


影完上車 , 走得 .


跟住去下一站 , 今日幾好天喎 .


前面整路 , 小心慢駛 .


見唔見到遠處既路牌呀 ? 個路牌指示應該轉左 ,

不過俾整路擾亂左 , 所以冇轉到 .


(果陣仲未知行錯路) 即使見到呢個路牌仲未醒水 , 

"美幌 & 津別" , 完全唔係想去既方向呀 .


正式係 "懵盛盛" 呀 . XD


前面有急灣 , 小心 .


去到呢個 "道の駅" あいおい, 終於知道行錯路 .


跟住原路兜番去 , 前面係ENEOS油站 , 即係尋日洗車果度 .


之前見到 "有鹿跳出黎" 既路牌 , 原來真係有鹿過馬路 ,

不過拎得相機佢地都走晒咯 .


為了追番行錯路既時間 , 車速上稍為提升 ,

呢段路好有印像 , 記得當日行了好耐都唔見有車 ,

條路冇雪之餘 , 仲以大直路居多 , 結果普通路當高速咁行 ,

大部份時間都100-110km左右 , 45分鐘後 , 終於見到前面有車 .

最前面有大巴士 , 總共3部車 , 好難爬頭 ,

亦唔想太夾硬 , 因為就到市區 .


再行多一陣 , 去到呢個 "道の駅" , 叫做 : あしょろ銀河ホール21

根據資料 , 呢個 "道の駅" 有個展望台 .


擺好部車 , 一於上去參觀 .


Bye Bye !

2011/10/27

2011北海道10天雪地自駕遊(修訂版)D8-1危機解除篇




Hello !


第8日 ~ 2011年2月2日 , 星期三 .

上回講到參加完 "阿寒冬華美" 大會 , 順便拎埋紀念品 ,  

之後買小小野就返酒店 , 浸埋個溫泉就休息 .

一早起身 , 梳洗過後就即刻食早餐 .

日式早餐 , 好丫 , 久唔久都要試 "日式" 早餐既 , 

畢竟都係黎 "日本" 嘛 .


一邊食早餐 , 一邊睇風景 , Yeah .


出面最中心果度 , 就係尋晚會場所在地 .


食完返房執行李 , 尋晚影漏呢個位 .


仲有窗外風景 , 介紹埋先好走 .


明明係三樓 , 點解好似地下既 ?


呢邊就有番D三樓Feel .


Check out 後拎齊野出去 , 見到部車 , 

乜好似在雪櫃度拎出黎咁呀 , 基本上出面既氣溫 ,

絕對比雪櫃凍 , 甚至比冰箱更加凍 , 

而尋晚洗車後既擋風玻璃 , 依然未溶雪 , 

唔似得上次 "網走破冰船" 停車場 , 有陽光解凍 .


果一刻仲未諗到點解決 , 唯有介紹部車先啦 . 

由 "札幌" 果度取車至今 , 都未有好好咁介紹佢 .


就襯呢個空檔 , 好好咁介紹佢啦 .  ^^


360度環繞咁影 , 呢部RAV4 越睇越有型 .


後面貼住幅牆 , 所以影唔到 , 

之前唔知有冇講過 , 呢部 RAV4 既突爆能力 , 比上次Axio更加勁 , 

雖然唔係次次都爬頭 , 不過夠力總好過唔夠 .


影完出面影裡面 , 入黎坐啦 .


後坐中間冇車軸位 , 坐五個人都得 , 不過行李多就窄駛D .


後面係側邊開門 .


擋風玻璃真係乜都睇唔到 , 點算好 ?


最後就係換呔工具 , 千斤頂 .


正在盤算之際 , 無意中望向呢個位 , 

突然靈機一觸 , 心諗 : 有計 .


原來望到遠處呢個 "梟の手湯" , 跟手拎兩個膠水樽去裝D溫泉水 .

(好彩我飲完D樽全部留晒在車度 , 等走先至掉)


一淋落去即刻溶雪 , 仲要開盡水撥 , 等佢冇機會再結冰 .


呢一仗贏得咁漂亮 , 完全靠運氣 , 第日真係要執生 .

危機總算過去 , 係時間睇睇件禮物 , 呢包手信係Check out

時酒店送既 , 乜咁客氣呀 , 睇過係乜東東 ?


原來係個高身既 "光酥餅" , 午餐有著落 .  ^^


多謝晒 ! 再見喇 "阿寒湖莊" 酒店 .


Bye Bye !

2011/10/25

2011北海道10天雪地自駕遊(修訂版)D7-12完(阿寒冬華美篇B)




Hello !


上回講到在 "阿寒冬華美" 會場參觀 , 呢篇繼續 .

睇完個野火大會 , 仲未完場 , 睇埋個煙花大匯演先好走 .


除了 "洞爺湖" 之外 , 今次係第二次睇現場煙花 .


今次距離近D , 感覺好正 , 可惜稍為短癮 ,

更可惜既係我既攝影技術 , 再無寸進 , 影唔到煙花既神髓 , 

都係現場睇正好多 , 話晒都加埋D聲效 .  ^^


之前咪話玩 "推果舊野撞到果舊野" 有獎既 .

中獎佢就派張呢D券 , 散會後可以去 "溫泉街" 

指定商店憑券換領紀念品一份 , 我中了兩次 , 可以換兩份 .


煙花完畢亦係散場之時 , 剩落呢堆 "熊熊聖火" . haha ...


巨大 "貓頭鷹" 冰雕會隨住音樂而變色 , 勁 .


散會時去 "溫泉街" 商店度領獎 ,

經過番頭先果度 , 嘩 ~ 零下77度 ? 咪玩野喎 , 北極都冇咁凍啦 .

當然唔係-77度咁誇張啦 , 只係惡攪一場唶 . ^_^ !!


前面仲有冰の滑梯添 , 不過凍冰冰 , 咪攪 .


終於到達 "溫泉街" , 沿途好凍既呢 .


行前D就到特約商號 , 其實話就話換紀念品 ,

實則只係 "拋磚引肉" , 搏你買其他野咋 , 果度好多木雕賣 .


阿寒湖 2011年2月01日湖畔屋 .


換完紀念品之後 , 四圍逛街 , 呢間就係 "鶴雅" ,

租金好貴 , 所以從來冇諗過入住 .


由 "鶴雅" 果度行上去 , 好快就到 "貓頭鷹" 村 .


好威猛既 "貓頭鷹" , 呢度應該叫 "愛奴族人" 村 .


夠鐘 "打道回府" , 臨走前買D小食 .


買定聽日午餐 , 如果冇更好選擇 , 一於搵佢醫肚 .


咁究竟果兩件 "紀念品" 係乜東東呢 ?


之唔係佢地囉 , 依家掛在房度做裝飾 .


忙了一日 , 夠鐘做番D緊要野 .


男既呢度 .


女既呢邊 , 請自便 .


浸溫泉要訣 , 最緊要就係放鬆 , 放鬆 , 再放鬆 , 咁就會好舒服 .  ^_< !!

攪掂返房 , 今次唔飲 "可樂" , 試試呢罐 "小岩井" 橙汁 .


飲完早D休息 , 聽日仲有連場火拼 .

Bye Bye !

第七日完 .