2011北海道10天雪地自駕遊(修訂版)D7-6美幌峠篇

Hello !

上回講到在 "美幌峠" 裡面食完拉麵 , 行多一陣就出門口 , 

向右手邊上山 , 話就話上山唶 , 其實得好短路程咋 .

一路上一路影 , 得一條路行 , 冇得揀 .

呢個就係 "屈斜路湖" .

Zoom近D睇睇 .

左手邊有 "屈斜路湖" , 右手邊有塊石碑 .

行近塊石碑 , 就會自動播呢度既主題曲 .

千祈唔好俾D陽光呃到 , 實在果度凍到啊媽都唔認得 .

呢度有詳細介紹 .

再隔離插住條 "美幌峠" 白木 .

襯埋個 "中島" 黎張合照 .

大家覺唔覺得個 "中島" , 外形有D似B2隱形戰機 ?

有圖對照架 .  ^_^ !!

右邊係 "和琴半島" , 不過太遠 , Zoom盡都睇唔到 .

依家可以講解究竟當日發生乜野可怕事件 .

話說當日由 "道の駅" 行出黎 , 行3幾步就覺得好鬼凍 , 

果D "乜乜峠" 可能在山上 , 所以特別凍 , 加上刮起大風 ,

感覺上同 "紋別" 果個零下20度既 "寒流体驗室" 不遑多讓 .

而有部份D雪又鬼死咁深 , 攪到D腳程慢晒 , 如果好天果陣 , 

由 "道の駅" 上到最頂落番黎 , (唔計影相時間) 只需10零分鐘左右 .

不過若然睇開我既網誌 , 或多或小都知道我份人 ,

一向都硬過鐵 , 況且一場黎到 , 唔通唔影相咩 ? 

所以話之佢有幾凍 , 一於上到最頂影相 , 點不知真係越上越凍 . 

齋凍都唔係太重要 , 最慘係刮起大風 .

首先最凍係雙手 , 跟住到對耳 , 對手唔緊要 , 

因為可以輪流攝入 "格勒底" 取暖 .  ^^

記得當日真係凍到頂唔順咁滯 , 影晒相即刻標番落山 ,

直衝去停車場上車 , 臨落到 "道の駅" 附近 , 有位啊叔上緊山 , 

我同佢講 : 寒いですね ...  佢都認同先算啦 .

叫得做可怕既事 , 當然唔係就咁算啦 , 上番車之後 , 

對手同對耳 , 簡直係僵硬晒 , 直情係凍到痛果隻 , 

記得雙手隔一日先至完全冇事 , 不過對耳就大鑊咯 , 過幾日先至冇咁痛 . 

(果種痛好似俾火燒咁樣 , 我諗可能係二級凍傷)

返到 "香港" 再隔多幾日甩層皮先至正常番 , 

到今時今日好彩百份百正常番晒 , 果陣以為對耳壞死左 ,

要切除先至保得住條命 , 真係有D驚架 . haha ...

攪到要用D頭髮遮住對耳 , 先至冇人知發生乜野事 .

所以呢一篇D相好珍貴 , 可以話係搵命搏番黎 .

就係由呢度落番去 , 頂唔順 , 救命呀 .  =_= !!

離開 "美幌峠" 呢個可怕既地方之後 , 

去番頭先好旺場既 "古丹溫泉" , 終於一個人都冇 , 

一於同佢影餐飽既 .

Bye Bye !