2011/10/15

2011北海道10天雪地自駕遊(修訂版)D7-7古丹溫泉篇




Hello !


上回講到離開 "美幌峠" 之後 , 

返番去頭先到過既 "古丹溫泉" , 之前浸緊既人已經走晒 , 

得番我一個人 , 可以為所欲為 , 不過淨係影相唶 , 唔浸咯 .

呢類 "露天溫泉" , 俾唔到我安全感 , 所以只係參觀就夠 .

秘湯 ~ 屈斜路湖 , 露天風呂 .


有晒說明書 , 不過睇唔明 .


簡單既更衣室 .


更簡單既貴重物品放置箱 .


兩邊既更衣室都差唔多 .


在湖裡游泳請著泳衣 .


好一個秘湯 , 不過我始終覺得先前既 "池の湯" 正D .


一直睇Blog友D相 , 我以為中間舊大石係去到尾 ,

要黎分隔男 & 女 , 可以浸得安心D .


唔兜過去後面睇都唔知 , 原來得一半咋 ,

咁樣同 "男女同浴" 有乜分別喎 ?


溫泉後面有一堆 "天鵝" , 

所以D人經常話同 "天鵝" 一齊浸 , 就係咁解 .


唔知D "天鵝" 會唔會跳入個溫泉浸埋一份呢 ?


溫泉水流出岸邊 , 所以冇結冰 , 我估外圍D水可能暖暖地 , 

不過唔記得伸隻手試一試 , 真失敗 .


從入面影番出黎 , 呢個角度係咪好小見呢 ?


黎多張就收工 , 再見喇 , 秘湯 "古丹溫泉" .


由於要趕下場 , 所以都冇翻兜去 "硫黃山" ,

直接去摩周溫泉 "道の駅" .


隔離有塊 "弟子屈" 招牌 .


少女騎天鵝像 , 得唔得架 ? 唔會重得滯咩 ?


稍為去洗手間 , 又要出發 , 向住 "阿寒湖" 方向進發 .


50km安全時速 , 影相放慢D咋 , 長期保持 50km既話 , 

去到目的地都天黑 , 所以如果大直路既話 , 快小小都冇問題 ,

70-80km 啦 , 畢竟都係雪地嘛 .


行果條 "阿寒橫斷道路" , 中途會經過影相位 ,

點都要落車影番幾張相 .


不過只係見到一個岳 , 另一個呢 ?


呢度D山路 , 有上有落 , 落斜果陣後面有D車隊住晒 , 

攪到我要在凹位停低俾佢行先 , 有冇攪錯呀 ? 

對落斜既恐懼感一D都冇既咩 ? 雪地喎大哥 .


若然後面有車 , 又有爬頭之勢 , 我都要讓得就讓 , 

費時同佢火拼啦 , 畢竟都係雪地 . 


行了唔知幾耐 , 到達呢個地方 .


Bye Bye !

4 則留言:

  1. e, 係唔係丹頂之里? 你又話去亞寒湖?

    回覆刪除
    回覆
    1. 唔駛急 , 先去睇鶴 , 攪掂再上番阿寒湖 . ^^

      刪除
    2. 你真係正, 鍾意雪駕..

      刪除
    3. 其實唔係咁鍾意雪駕 , 叫做試過就算 . =_= !!
      雪地自駕遊唔係唔好 , D雪景仲鬼死咁靚添 , 不過好多地方都封路 ,
      呢樣就唔多盞 , 今次係咁咦都數到3個景點因雪封路 , 勁冇癮 .

      刪除

歡迎光臨 , 如果時間許可 , 請留番個言丫 ~