2011北海道10天雪地自駕遊(修訂版)D7-10阿寒湖莊房間篇

Hello !

上回講到離開 "阿寒丹頂の里" 後 , 

一直駛往 "阿寒湖" , 差唔多到果陣 , 入番鋪油先 .

用到剩番四份一存量 , 唔入唔掂呀 .

打爆個油缸丫 , 唔該 .  ^^

給油中 "Engine" 停止 .

呢個 "阿寒湖" ENEOS 油站 , 相信大家都好熟識 , 

話說當日入完油 , 順便問佢至平果隻洗車要幾多錢呀 ?

佢答 : 200Yen .

我話 : 呢筍 ? 係真唔係呀 ? 

於是佢指我黎呢邊 , 原來係自助洗車 .

洗車方法有幾種 , 我用最簡單果隻 , 就係入200Yen落部機度 , 

揀第四項齋水 , 之後拎起左手邊果支強力噴水鎗 , 

預備 1 ~ 2 ~ 3 開始 ...

Wow ~ 勁呀 , 如果淨係洗車外既污糟野 , 一次就ok . 

(大約噴水兩分鐘 , 冇正式計時)

不過要將車轆附近既污糟冰徹底清除 , 咁就真係有D吃力 , 

結果洗了3次共600Yen , 先至叫做洗走大部份 , 認真誇張 .

仲有一樣 , 就係洗車果陣 , 見D污糟野俾水洗甩 , 

感覺真係好痛快 , 一時忘形之下 , 連擋風玻璃都洗埋 , 

痛快係痛快呀 , 不過就好似當日去 "網走破冰船" 既情況 , 

成塊擋風玻璃即時結晒冰 , 能見度勁低 , 一陣仲要往酒店 . 

雖然好近 , 但係邪就邪在越心急 , 就越搵唔到 ?

當時開始入黑 , 如果試過自駕遊去 "阿寒湖" 溫泉街 , 

就知道果度既坑渠蓋 , 凹位極之深 , 個轆跌落去既話 , 

成部車都 "凳一凳" , 幾經艱辛之下 , 終於搵到到間酒店 .

酒店叫做 : 阿寒湖莊 .

Check in 期間 , 佢請我食杯布丁 , 夠晒體貼 , 讚呀 .

今晚住 301號房 .

一齊入去參觀 .

洗手間一個 , 有埋浴缸 .

兩張床 , 今次揀右邊果張 .

呢間房係 "和洋式" , 我至鍾意 .

換部大D既電視都唔怕死啦 . haha ...

地方都算唔錯 , 幾寬敞及開揚 .

360度全方位咁影 .

連拖鞋都印埋酒店名 . 勁 !

稍為休息一陣就要落去食飯 , 301號室 man wai 1名樣 .

(我鍾意人叫我 man wai , 夠親切)  ^_^ !!

菜單一張 .

  

大家準備 . (酒微菜薄 , 唔逐樣影咯 , 一鋪過算數)

食完飯四圍行 , 頭先就係嚮度Check in .

咖啡任飲 , 好好招呼既呢 .

咁就唔客氣 , 齋啡 ? 當然唔係啦 , 影完先加奶 .

坐低慢慢飲 .

上房休息一陣 , 再落番黎 . 

聽講呢度有個 "貓頭鷹大會" , 問經理在那裡舉行 ?

點知佢叫個伙記帶埋我去 , 臨出門前佢話咪住 . 

Why ? 佢話我D衫唔夠暖 , 隔離有大褸借出 ,

咁既服務去邊度搵 , 十分滿意呀 .

Bye Bye !