Hello !
上回講到食完飯 , 休息夠就去 "貓頭鷹大會" ,
正確黎講應該叫做 "阿寒冬華美" .
著住件酒店提供既大褸 , 由酒店員工陪同前往會場 .
果位經理果然有料到 , 我以為自己D衫頂得順 ,
原來唔加衫既話 , 真係捱唔住架 , 因為要停留個零鐘時間 ,
縱然果度有避寒中心都好難捱 . >_< !!
果度提供氣溫 -17度喎 (係真唔係呀?) 俾人惡攪咋嘛 ?
可能冇風啦 , 感覺上都唔及 "美幌峠" 咁凍 .
入到會場 , 咦 ~ 幾黎鬧喎 , "北海道" 既景點 , 好小咁多人 .
個案內所用冰黎個 , 幾特別呀 .
燒炭咁激 , 因住喎 , 記得開窗 . XD
好大隻 "貓頭鷹" 既呢 .
香蕉船 , 咁夜仲有冇營業架 ?
呢個就係 "野火會" 既主角 , 一陣點火 , 勁 .
又一間冰屋 , 襯冇人入去參觀先 .
用木做支架搭建屋頂 , 妙呀 .
睇多一陣就有人入黎參觀 .
出去玩野咯 , 呢邊有 "鋸冰" 遊戲 , 睇落好容易 .
一陣我都有玩番兩手 , 舊冰好似鐵咁硬 . haha ...
透明既 , 唔通釣冰魚 ?
呢邊又有野玩 , 將果舊野推去撞到遠處果舊就有獎 .
獎乜野 ? 下篇話你知 .
呢度有甘酒 ~ 牛奶 ~ 魚仔 ~ 証書任揀 ...
只要買張 "引換券" , 張券有三格 , 可以換三次 .
(引換券一套三格300Yen)
換乜野好呢 ? 第一張梗係試 "甘酒" 啦 . (幾好飲喎)
第二張唔駛審 , 一定係炸魚仔 . (好熱氣既呢)
一陣第三張都係換多杯 "甘酒" , 因為証書既野 ,
返到屋企都係劈埋一邊 , 所以飲多杯酒暖肚好過 .
之後就開場 , 主持人講一輪對白 , 然後開始點火 .
各位觀眾 : 點火 ...
歌都有得唱啦 , 所謂 : 熊熊聖火 , 憐我苦痛多 ,
憐我在世上如許苦痛多 , 明明亮光 , 為我消災去禍 ...
磨多一陣就散會 , 上台影相啦 .
(仲未完場 , 餘興節目係煙花大匯演 , Yeah !)
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~