2009/08/30

2009北海道8天自由行(修訂版)D5-2定山溪篇




Hello !


上回講到食完早餐 , 返房係咁咦執野 , 

然後落地下巴士總站度買飛 , 第12號站隔離 , 有個小櫃檯賣飛 ,

"定山溪" 日歸溫泉套票 , 即係果度任揀一間溫泉酒店黎浸餐飽 , 

同埋包來回巴士券 , 套票價值1700Yen . (請打橫睇)


總數15間溫泉酒店 , 結果揀比較熱門既 "萬世閣" .


總站開車時 , 唔算多人 .


呢間好似叫 "太子酒店" , 距離 JR都頗遠 .


落車時按鐘 , 今次唔係去到總站 , 所以到站都要按鐘 .


隔一陣 , 又多幾位上車 , 有段路多人到要企位 , 不過唔係好耐 .


大約一個鐘多D就到 , "定山溪湯の町" 落車 .


行到盡頭 , 有間類似神社 .


D下下籤札晒在隔離 .


再隔離有個足湯 .


藍色牌寫住 : 毛巾請過隔離買 .


就係呢度 , 盛惠200Yen一條 , 我都幫襯佢整番條 .


就係呢盒毛巾 .


開黎見我 , 定山溪河童商標 , 如假包換 . haha ...


我就冇浸到腳 , 因為一陣都去 "日歸溫泉" , 不過測試過水溫 , 都幾熱架 .


腳底按摩穴位圖 ? 簡單D喎 .  ^_^ !!


再兜番出去參觀間神社 .


定山溪溫泉の由來 .


案內圖 .


附近D雪都幾厚 . (下篇果D直情厚到嚇死人)


詳細既講解 .


返轉頭時見到位戴眼鏡既姐姐 .


唔通係民意調查員 ?


都係唔騷擾佢地 , 過另一邊參觀 .


呢間係酒店 , 都幾日式喎 .


行前D , 又一張案內圖 .


都係呢D水牌簡單易明得多 , 最遠處果間就係 "萬世閣" .


不過依家先去參觀 "二見公園" 先 .


Bye Bye !

2009/08/28

2009北海道8天自由行(修訂版)D5-1早餐篇




Hello ! 


上回講到返回酒店 , 食完生果再睇陣電視 , 

攪掂埋D手尾就休息 , 唔覺唔覺咁就進入第五日 , 

今日去既景點唔算多 , 不過就要離開呢區 , 

去一個叫做 "定山溪" 既地方 .

一起身 , 睇睇個濕度計 , 又乾小小 , 

黎 "北海道" 呢類地方 , 保濕用品真係帶小D都唔掂 , 

否則好易變 "柴皮鴨" 架 , 究竟當地人係點樣保濕既呢 ? 

唔通佢地個個體格異常 , 定抑或係天生麗質 ? haha ...


循例睇睇街景 , 冇落緊雪 , 不過地面依然鋪滿雪 .


東橫Inn .


好大個停車場 .


今日趕住出門 , 唔睇晨早節目 .


拎定張早餐券出黎 , 今日依然上35/F食早餐 .


好似未影過酒店走廊 , 呢度係25/F既等電梯大堂 .


電梯到 , 入去咯 .


35/F丫 ~ 唔該 .


唔記得之前有冇介紹過早餐 , 就算有都當介紹多次啦 , 

呢D好似叫做 "漬物" ?


日本 "榨菜" ?


"柴皮魚" 千祈唔好試呀 , 好難食架 . haha ...


仲有D "日式類" 咁啦 .


十勝產 "男爵薯仔" , 呢樣唔怕 , 配沙律醬 , 掂呀 !


麵包 , 例牌架啦 .


一劈蛋 , 好過冇咁啦 .


扭扭粉 , OK .


雜菜沙律 .


呢D係乜呢 ? 唔記得添 .  ^_^ !!


仲有橙汁 , 茄汁 , 不過我鍾意鮮奶多D .

(隔離仲有 "咖啡")


小小生果 .


第一轉 "西式" .


35/F 既風景 , 同房間度比起上黎 , 又有另一番味道 .


第二轉 "日式" .


食飽咯 , 返回房間執齊今日所需用品 .


No : 2534


Key Card .


Bye Bye !