Hello !
上回講到參觀 "白之戀人工房" 既玩具部 ,
影齊晒相之後 , 亦都係時候結束呢個工房既行程 ,
轉戰下一站 , 就係大名鼎鼎既 "日本職業聯賽" ,
現時排名第十八位既 "札幌岡薩多" 球隊主場 .
不過未去佢主場之前 , 先參觀隔離既公園 ,
叫做 : 宮の沢 ふれあい公園 .
呢張相可以睇到 , D積雪如果無人清理 , 可以去到幾深 .
整部單車都幾乎吞沒晒 , 可怕 !
呢個公園就在 "工房" 斜對面 , 如果去開果度及冇雪 , 不妨順便一遊 .
不過依家鋪滿雪 , 感覺上一片荒蕪 .
如果冇估錯 , 應該係老夫老妻 , 雪中漫步 , 好浪漫既呢 . ^_^ !!
公園裡有部份積雪好深 , 部份還可以 .
不過淺極都去到小腿 , 淨係玩雪中步行都值回票價 .
(唔好忘記 , 當時係第一次黎 "北海道" 呢D落雪地方)
右下角果D係乜東東呢 ? haha ...
可能仲有好多設施埋藏雪下 . =_= !!
影埋呢張都差唔多咯 .
向番 "工房" 果邊出口方向行 .
跟手去球場果邊 , 咦 ~ 連汽水機都有佢地既 "吉祥物" 嘜頭 .
"札幌岡薩多" 球會會徽 , 好有型呀 !
電燈柱都有 ? 果然好有主場 Feel 呀 , 勁 !
行人路都俾積雪佔成半 , 小心D行 , 唔好跣出馬路 ,
正式係 "步步驚心" . >_< !!
仲有好多贊助商 .
由果次之後 (即係2009年開始) , 我間唔中都有留意佢既聯賽排名 ,
這些年試過降落 "日乙" (即係乙組) , 又試過升番上甲組 .
COLLECTION HOUSE 入場無料 !
咁就一於入去參觀 ,
呢D叫做人造仿草丫 , 定抑或係真草呢 ?
鏟雪都有排鏟啦 , 點練習喎 , 唔怪得D成績 ... (加油呀 !)
攪到我都想落場幫手鏟雪 . haha ...
個場對正個 "工房" , 可以在二樓歎住咖啡黎監視佢練習 ,
話唔定可以睇到佢地既虛實 , 對投注有莫大幫助 . ^_< !!
玩紅配黑 , 充滿 AC米蘭 Feel .
果陣得我一個參觀 , 點樣影佢都得 .
呢張睇到眼都花 .
每件波衫都有一個人名 , 唔通係球員名單 ?
呢篇講住咁多先 , 下篇入去紀念品部幫襯佢 , 叫做支持下咁啦 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~