Hello !
上回講到參觀完 "札幌岡薩多" 主場 ,
跟住搭巴士往 "小樽" , 上完 IC 之後 , 好快就到步 ,
落車向住 "小樽駅" 果邊行 , 好快就見到佢 , 各位觀眾 "小樽駅" .
隔離有個巴士總站 , 返 "札幌" 既巴士都有 .
巴士總站隔離 , 有間 "紀伊國屋書店" , 有興趣既話 , 可以行番趟 .
中央巴士站 , 咦 ~ 二世古 & 積丹果頭都有車到 ,
不過果D地方 , 點都係自駕遊適合D .
Hotel Dormy Inn , 好多地區都有分店 , 各界 Blog友對佢一至好評 .
影齊相就入去裡面參觀 , 當時經已係 P.M.12:45 , 午餐時間到 .
蓋章處 ~ 好多地方都有 , 呢度當然唔會例外啦 .
觀光案內所 ~ 本來果度想問去 "小樽水族館" 既班次 ,
不過佢話仲歇冬所以休館 , 無奈之下 , 唯有用下一手準備 ,
就係去 "天狗山" 參觀 , 不過食完飯先講 . 順帶一提 ,
依家既 "小樽駅" , 經過全新裝修 , 變得煥然一新 ,
尤其係 "洗手間" 方向果邊 , 以前都有小小殘舊 Feel .
"小樽駅" 隔離就係 "三角市場" , 幫襯佢地買D乾貨 .
上完條樓梯就見到 .
話就話係市場 , 其實只不過係一條巷仔 , 左右兩旁好多攤檔 .
如果行得快 , 由頭行到尾都唔駛半分鐘 . haha ...
扇貝 . Yeah !
生果都有 , 唔錯喎 .
主角當然係 "北海道長腳蟹" 啦 .
好快就行到另一邊出口 .
再返番入去先 , 因為要食飯同買野 .
搵到間叫做 "武田鮮魚店" 既舖頭 , 就幫襯佢啦 .
除刺身外 , 仲有好多款丼 .
地方唔算大 , 其實係好細至真 . (遲D去 "場外市場" , 果邊大好多)
仲有其他食客 .
如果冇相 , 睇唔睇得明D字 ? 我就唔得 . =_= !!
有漢字既還可以 .
仲有海鮮送貨服務 , 當然係做本地生意啦 .
揀好食乜野未呀 ?
一早鎖定好啦 , 仲黎埋添 .
甘蝦 , 冇得彈 .
燒蟹腳 , 直情正啦 ~ ( 食先 ! 唔等咯 , Wow ~ 熱到辣口 ... )
食完 & 買完之後 , 都攪到成兩點多D , 即刻搵番個巴士站趕下場 .
既然 "小樽水族館" 休息 , 唯有改去 "天狗山" .
睇番D班次先 , 14:15 有班車 , 仲有D時間剩 , 唔駛太趕 .
下一站就係 "天狗山" .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~