2016/07/31

2016北海道雪駕遊D10-6完 湯源郷 太平のゆ なんば店篇




Hello !


上回講到在 難波市內觀光 , 之後去 市場ずし 晚餐 ...

食完之後再行多一陣 , 跟住去今晚重頭節目 湯源郷 太平のゆ なんば店

在搵料時 , Set左個 難波市 地圖在腦內 , 大約知道向邊個方向行 ,

本來想慢慢向果邊行 , 去到大約地點再問人 , 點都會搵到掛 .

不過當時飯氣攻心 , 加上玩左成日好攰 , 再加上成條街都係人 ,

所以改搭的士 , 就係好彩搭的士咋 , 因為同我諗住行既方向係相反 , 

話晒 難波 呢頭只係作客 , 唔似得主場 札幌 , 都係搭的士穩陣D , 

而且自己都揸左咁多日車 , 想試下做乘客 , 睇下人地手車如何嘛 .

(梗係好過我啦 , 職業司機都差過我就死得咯 , haha ... )


幾分鐘車程就到目的地 , 盛惠 760Yen .

木津卸売市場 , 係一個魚市場 , 隔離就係浴場 .


再介紹多次 , 湯源郷 太平のゆ なんば店 .


前面樓梯就係入口 .


營業時間 .


二樓大門口 .


暴力團關係者 ~ 紋身 ~ 爛醉者 ~ 小學生以下免進 .

雖然我都叫做飲左杯啤酒 , 不過距離爛醉仲有相當遠既距離 .


簡介 .


一入去 , 又係 土足禁止 , 除左對鞋放入櫃 .


在呢度買 入浴券 , 大人800Yen .


前面櫃檯交飛俾佢 , 跟住就可以為所欲為喇 . haha ...


當然唔包括影相啦 , 以下呢輯相係網頁裡提供 .



基本上級數同格局都差唔多 .


又係做本地街坊生意 , 不過人數就冇佢咁爆棚 .


都係果句啦 , 除非你極之唔好彩 , 否則遇到 外國人 既機會極微 .


另外有D唔同既 , 係冇做 回數券 , 而且食物收費亦唔夠大眾化 .

之後浸完都有食野 , 食乜 ? 一陣話你知 .


乾蒸房 .


 室外既溫泉都唔輸蝕架 .


排排浸 .


單人浸 .


有D似噴水池 . XD


玩左大約兩個小時之後 , 黎到佢個食堂幫襯 , 食乜野呢 ?


叫左個 天婦羅丼 & 啤酒 .


吸煙處 . (最好唔食啦)


啤酒到 ~ 


整啖先 ~ 浸完溫泉飲啤酒零舍正 . Yeah !!


其他都到齊 , 全部合計 : 1460Yen , 請慢用 .


唔夠喉既話 , 出面仲有軟雪糕 .


右手邊係 岩盤浴專用 , 搵日試下都好喎 .  ^^


浸完 ~ 食完 ~ 換衫返酒店 , 浸到個人散晒 , 

冇理由行路返酒店 , 一於再搭的士 .

(呢張相係去果程既的士 , 返酒店果程都冇影到相)


返到酒店都冇乜攪到 , 休息多陣就大覺瞓 .

第十日完 .

Bye Bye !



2016/07/29

2016北海道雪駕遊D10-5 難波市內觀光 & 晚餐篇




Hello !


上回講到介紹完房間之後 , 連隨落樓下行街 ...

之前唔知有冇講過 , 今次呢個 大阪 行程只屬探路 , 

所以只係留一日咁多 , 正式係時間無多 , 要好好咁把握 .

落到地下 , 向住 道頓堀 方向行 , 沿途正式係 劉姥姥進大觀園 , 

呢度比起 北海道 更加熱鬧 , 好耐都未試過咁興奮  .  

金龍拉麵 , 堅呀 !   ^^


大阪王將 ~ 賣乜野既呢 ?


磯丸水產 .


排隊幫襯呢樣野 , 亦都係好耐冇見過 .


KATE ~ 好有型呀 .


戎橋筋 .


蟹道樂 ~ 

話時話 , 不論 大阪 或 北海道 , 都未幫襯過佢 , 真係見笑 .


Asahi ~ 呢張好有 薄野 Feel . (既係 羊々亭 果度)


大運河 ~ 附近先至係核心 .


心齋橋筋 .


呢條橋上面好熱鬧架 , 正式係勁多人 .


呢個角度就到條橋既全景啦 .


輪到重中之重既 固力果 大招牌 .


Blog友們既相就見唔小 , 今日終於親臨 . Yeah !!


輪到大運河 , 有D 小樽運河 Feel .  ^^


水質唔太差 .


驚安之殿堂 , 勁多分店 .


一蘭拉麵 ~ 講開呢間拉麵 , 又有古講 , 

果陣都接近晚餐時間 , 本來想幫襯佢 , 懷念下遊覽 東京 果陣既心情 .

點不知條人龍長到嚇死人 , 都係咪攪 .

食碗拉麵都要排成粒鐘 , 值搏率太低 .   >_< !!


呢D唔知排 觀光船 還是其他 ??


宗右衛門町 .


前面有間 麥當奴 , 山長水遠黎到 , 冇理由幫襯 老麥 .  XD


終於搵到呢一間 , 行左咁耐都肚餓喇 , 就幫襯佢啦 .


日文餐牌 ~ 弱項呀 .


都係篤手指好D . haha ...


雖然部份有漢字 , 不過都係唔明多過明 .


食材睇落唔錯喎 .


亦都有番相當人氣 .


門口經常有人想與唔想幫襯之間 .


唔理佢地喇 , 攪掂自己先 , 辛苦左一日都係等佢 .


見圖篤俾佢睇 , 全部都唔識用日文叫 .


蟹腳點講呢 ?


魷魚呢 ?


甜蝦就識叫 , 不過唔係太有把握佢聽得明 .  XD


呢D連係乜野魚都唔知 ?


清晒 ~ 飲飽食醉 .


埋單丫 ~ 唔該 .


呢餐合計 2949 , 收費都算合理 , 有機會再幫襯佢 .

順便講埋上篇酒店 , 一泊冇食 9100Yen . (都算幾貴)

下篇仲有節目架 . 

Bye Bye !

P.S. : 今晚勁多電視睇 , 攪到晏晒 . Sorry !