2016北海道雪駕遊D8-3 狩勝峠篇

Hello !

上回講到途經 道の駅 うりまく , 不過冇入到去 ...

跟住直接去到 狩勝峠 , 先至停低 . 叫做落車鬆鬆腳 .

順便幫襯下佢個洗手間 .

小心D呀 ~ 呢度並不是雪地 , 而係冰面 , 如果有帶溜冰鞋 , 

直情可以在上面踩番兩轉 , 當正佢係溜冰場呀 . haha ...

好似好耐冇帶大家參觀洗手間 .

就一齊入去參觀一下啦 .

唔駛客氣 , 當自己屋企得喇 .  ^^

新得町特產品 , 開檔都要一番功夫 .   =_= !!

出番藍天 , 心情靚番晒 .

對面有個展望台 , 上次都參觀過 .

今次鋪滿晒雪 , 過唔到去咯 .

就咁遠睇算啦 .

見到呢類路架 , 就會諗起影快相機 .

見到另一部 Elgrand . 市場滲透率極之高 .

攪掂繼續行 , 約莫25分鐘之後 , 黎到呢度 .

呢度係一個 道の駅 , 叫做 南ふらの .

洗手間一個 , 不過暫時未需要住 .

周邊地圖 .

入黎都係兜一兜 , 冇乜野幫襯 , 好快就離開 .

跟住呢度就唔同喇 .

 

絕非攪攪震 , 冇幫襯 , 入去行番轉 , 好難空手而回 .

歡迎 ~ 歡迎 , 熱烈歡迎 !!

中國人 , 台灣人 , 我們歡迎訪問我店 . (仲有韓文 , 不過唔識睇)

駛唔駛咁 Hard Sell 呀 .  XD

係咁咦買番些小補給品咁啦 . FLASH 雜誌 , 小小鹹 ~ 多多脆 ...

(雖然睇唔明文字內容 , 不過當地既雜誌文化 , 勝過香港不止一籌)

奶茶 , 停燈位時飲 , 唔駛齋等 .

好似依家咁 , 就可以飲番幾啖 .

仲可以襯機影相添 .

經過TOYOTA店 , 零舍親切 . (不過今次租日產喎)

仲影 ~ 轉燈喇 , 開車啦 ,

Bye Bye !