2016北海道雪駕遊D9-8完 天然温泉やすらぎの湯 北のたまゆら桑園篇

Hello !

上回講到在 旭川拉麵村 食完拉麵 , 繼續行程 ...

不過黎到呢度 , 旭川 既行程都係咁上下 , 仲要返 札幌 還車嘛 , 

天氣又唔知點 , 都係預鬆D時間好D .   ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

跟住既景點 , 唔知算唔算景點 , 就係去番尋晚Blog友提供既

旭川雪祭會場地點 , 知就知佢過左期 , 不過一場黎到 , 兜一兜都無妨 .

常磐公園 MC : 79 373 817

目的地就係咁樣 , 真係咁都得 ?

之後諗住去埋 旭川駅 , 作為 旭川 既最後一擊 .

點知越行越大雪 , 呢樣都唔緊要 , 最緊要既係突然絞肚痛 .

(應該唔關拉麵事 , 只係想開鋪大既啫)  XD

如果係去過 旭川駅 周邊既Blog友 , 都應該知道 , 

果度既燈位多到嚇死人 , 行三幾步就要食一個燈位 , 

仲係要分零鐘先轉果隻 , 人地都十萬火急架啦 , 仲要俾佢大整蠱 , 

真係火都黎埋 , 結果經過 旭川駅 都冇影相 , 只係用眼睇就算 .

再直去見到個路牌寫住 旭川道の駅 800M , 心諗 :

捱到去 道の駅 就掂過碌蔗啦 , 誰料到過左800M , 點解唔見既 ?

( 剛剛Check番Google地圖 , 原來係轉右 , 我就轉左 , 失敗 ! )

之後搵到間食店 , 果陣太急都冇留意佢賣乜 , 硬闖佢個洗手間 , 

總算解除危機 , 今次攪攪震 ~ 冇幫襯 , 就當我欠左佢一個人情債 , 

所謂大恩不言謝 , 有機會再去 旭川 , 一定預留一餐幫襯佢食餐勁 .

(又係頭先上Google搜集 , 原來佢叫做 : びっくりドンキー 神楽店 . )

今次唔知算唔算 蝦碌事件 呢 ? 不過冇將佢歸類到呀 .  

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

攪掂晒所有野之後 , 都冇心戀戰落去 , 一於就返 札幌 啦 .

跟住下面有四段片 , 係返 札幌 既唔同階段 , 第二段係曾經上載過 , 

在 最難過的序章篇 裡面 , 其他既係第一次上載 .

如果有時間就睇晒佢啦 , 我最鍾意第四段 , 即係D果段 .

雪駕遊上高速公路A , 係剛剛入高速公路地帶 .

呢段曾經上載過 , 有時間可以重溫 .

雪駕遊上高速公路C

D呢段差唔多日落 , 充滿黃昏Feel .  ^^

行行重行行 , 返到 札幌 都仲未天黑 , 好彩 ~ 

入埋最後一次油就可以還車 , 入滿丫唔該 !

車頭就冇乜點 , 車尾就好似黐滿晒發泡膠咁 , 連車牌都睇唔到 .

順便講埋 , 今次入滿 4759Yen , 全程入過四次油 , 合計 : 19316Yen .

都幾和味呀 , 七人車呢味野 , 試一次就夠 , 下次都係租番普通車 .

還完車之後 , 拎埋D行李往酒店 , 今晚住 ANA 札幌 .

不過一時之間搵唔到間酒店既位置 , 好彩問其他租車公司企在門口既伙記 , 

一問佢地就知 , 經佢地指引下好快就搵到 , 省略左Check in ~ 上房既流程 , 

鏡頭一轉就黎到呢度 , 見到呢個地標 , 點可以唔影番兩張 .

呢度都係啦 , 不過夜景影到麻麻 .  XD

時間係P.M.6:33 , 在預算景點篇講過 , 札幌有個好地方 .

就係搭一個站往 桑園 .

東北加油 ~ 呢塊橫額都掛左好幾個年頭 .

大舊石亦都係健在 .  XD

站內最鋪天蓋地既宣傳 , 都莫過於 3.26 新幹線通車 .

依家買飛先 , 睇睇個水牌 , 下一站係 桑園 .

入錢買飛 , 大家仲熟過我架啦 .

170Yen .

綠色邊 山手線 , 乜唔係在 東京 既咩 ??

落車仲要行一陣 , 夜媽媽 ~ 好凍既呢 , 前面果間就係 .

之前好似講過 , 個停車場好爆 , 搭JR黎穩陣D .

營業時間 .

入浴料金 .

土足禁止

除左對鞋放入櫃內 .

100Yen按金 , 走果陣俾番你 .

收好對鞋過呢度買飛 , 毛巾都可以在呢度買埋 .

過隔離交飛俾佢就可以入場 , 俾埋上次張回數券佢Cup印 .

入場後大家各就各位 , 除衫沖身浸溫泉 ...

之前唔知有冇講過 , 呢類街坊式溫泉 , 除非你極之唔好彩 , 

否則遇到強國人或者其他國人既機會 , 可以話微乎其微 . 

在呢度浸既氣氛 , 同酒店或旅館可以話截然不同 , 

雖然呢度冇大酒店既溫泉咁豪華 , 而在場人數亦比酒店多 , 甚至有D擠迫 .

唔知點解 , 感覺反而比酒店浸更加正 , 正式係 身心康泰 呀 . haha ...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

浸完出番黎 , 又係一個好節目 , 就係食餐勁 . Yeah !

呢度既晚餐做街坊價 , 抵食夾大件 , 今晚在北海道最後一晚 , 

一於就同佢死過 , 啤酒絕對唔小得 . haha ...

揀好心水就買飛 .

拉麵 + 飯 + 炸雞 + 啤酒 = 1390Yen  咁抵食 , 去邊度搵丫 .

領取食物後 , 過對面用餐 .

呢度食飯夠晒Relax , 大家各自修行 , 清清靜靜 .

靜到做功課都仲得 .  ^_^ !!

電視送飯 ~ 一流 .

轉過位置 , 睇電視都舒服D .

心情好 ~ 食量都好D , 清檯後都唔多夠喉 .

黎多杯 思樂冰 就夠晒完美 . 270Yen

食完抖陣換衫鬆人 , 搭番JR往札幌 .

3.26通車專輯 , 拎本睇下先 .

另外當日報紙我都有Keep起 , 太陽報 3月27日 .

車裡面都有宣傳 .

ANA 札幌酒店 .

Key咭 .

好似 八達通 咁用 .

頭先張回數券已經增至兩個印花 , 距離10個又進了一大步 .

隔離就係 東橫Inn 招牌 , 好勁既光污染 . haha ...

拉埋窗簾睇佢唔到 .

今日雖然景點唔多 , 不過都好攰 , 睇多陣電視就休息 .

大家都早D抖 .

Bye Bye !

第九日完 .