2016北海道雪駕遊D9-3 上旭岳篇B

Hello !

上回講到搭纜車上到 旭岳 參觀緊 ...

呢篇攪掂埋個下集 , 打開個門口出到室外 , Wow ~ 堅係凍呀 .

前面果幾位外籍人士 , 準備好滑雪行裝 , 一出去就滑得 .

由於視野不佳 , 所以好快就消失於視線中 .

姿見駅 . (即係剛剛出黎果度)

之前唔知有冇講過 , 呢度凍到啊媽都唔認得 .  XD

先講番D履歷 , 雖然並唔係第一次黎落雪既地方 , 

不過加埋刮起大風 , 呢度絕對係我生平所遇過既最低溫度 , 

就算上次既 美幌峠 , 或者早幾日既 能取岬 , 同呢度比都望塵莫及 .

有一刻我曾經問 , 呢度究竟係咪地球黎架 ? 可以凍得咁交關 ,

以我既行裝 , 完全頂唔順呢度既低溫 , 出到黎一陣都覺得好難頂 ,

若然好似早日 知床フレペの滝 咁行個零鐘 , 唔凍瓜至奇 .

呢張相係講 , 果度既能見度有幾低 .

如果玩滑雪 , 前面轉左Sir落去就係 .

大雪山旭岳ロープウェイ

返番去頭先 姿見駅 , D雪深到呢 .

幾近遮到上屋頂咁滯 , 真係誇張到爆 .

又有人出黎玩 , 呢位係玩snowboard , 型呀 !

我都唔敢行得太出 , 一旦進入迷離境界而搵唔番呢個 姿見駅 , 

咁就係咁先 , 算喇 ~ 都係返入去啦 .

出面實在太危險 , 都係返回地球穩陣D . haha ...

在站內再參觀過 , 呢個係上山簽到 .

有乜冬瓜豆腐 , 鹹魚青菜 , 都有人知道你曾經黎過呢度 .

ご案內 .

裡面有部份地方仲裝修緊 .

往復券 , 大人1800Yen , 用左上山呢部份 .

以下係顯示正常天氣之下既 旭岳 .

呢個唔知係咪 姿見の池 ?

好正咁喎 .  ^^

講多兩講 , 又一班車上到黎 .

大家魚貫進場 , 準備大顯身手 , 我就搭番呢班車落山 .

準備開車 .

個個都Sir晒落去 , 淨得我一個搭纜車落山 .

幾舊鐵要黎戥番勻D重量 , 免得側埋一邊 .

話咁快就落到黎 .

打掃一下D地方 , 最主要都係掃番D雪出去 .

前面就係纜車通道 .

控制中心 .

又一批好手準備上山 .

落到山下呢度 , 忽然覺得好暖 , 其實只係上面太凍 .  XD

搵番部車先 , 去左邊呢 ? 唔會俾雪遮晒掛 ?

呢部車就唔怕大雪啦 .

灰天加冰樹 , 可以當聖誕咭 .  ^^

終於搵番部雪糕車 , 頭先趕住黎呢度 , 係咁咦清理就算 , 車頂仲有一大劈雪 .

車牌又唔見左 , 影快相都冇證據 .  XD

最終都冇掃走車頂D雪 , 等佢自然流失 , 只係掃玻璃果D就算 .

準備開車 , 走得 .

咁既雪路 , 想快都快唔黎啦 , 邊有機會俾佢影快相丫 .

Bye Bye !