2016北海道雪駕遊D8-5 上富良野駅&入油篇

Hello !

上回講到參觀完 富田農場 與及 BESTOM ...

繼續往下一站 , 話時話 ~ 雖然今日在 富良野 & 美瑛 遊覽 , 

不過景點就冇上次咁多 , 只係執幾個較有名氣既景點參觀 .

沿路又變番雪地路 , 不過呢類市區都快唔黎 , 慢慢走啦 .

話咁快就到下一站 , 係乜野咁包閉 ?

之唔係 上富良野駅 囉 .

站外有電話亭一個 .

案內地圖一大張 .

的士站招牌 .

的士就泊在側面 , 後面果個係單車停車場 .

JR上富良野駅 , 今次冇入去參觀 , 因為有其他野攪 .

另外睇番上次網誌先知 , 原來上次黎果陣 , 呢度正在大裝修 , 

依家正式完工 , 攪掂晒 , 靚晒 .  ^_^ !!

至於攪乜野 ? 記唔記得之前講過 , 如果試過雪駕遊 , 

應該都會試過車轆前後會積滿咖啡色既雪 , 今次黎呢個停車場 , 

順便清一清佢 , 雖然過多一陣都會返番黎 , 不過可以一腳伸甩D雪 , 

好有快感架 . 就係呢D咖啡雪喇 , 黐滿晒個後轆 , 

後轆差1mm就磨到D雪 .

前轆後面都係 , 伸延到車門下面 .

一腳伸佢落地下 , 勁呀 ! haha ...

停車場經常見到D雪頭雪尾 , 就係咁解 .

玩完繼續行程 , 跟住去 日之出公園 .

可惜大雪封路 , 無法前往該處 .  =_= !!

唯有掉頭啦 , 就係後面果堆大雪遮住條路 .

講講下 ~ 又到午餐既時候 .

明太子配唔知乜野丼 .

仲有牛奶咖啡與其他物資 .

出面有D風 , 今次在後座開餐 .

小心D食 , 千祈唔好攪到一車都係 .  XD

乜都同佢清晒 , 正呀 !

再攪掂就再出發 , 特然間變成迷霧的馬路 .

又見路旁冰樹 .  ^^

離開 富良野 , 進入 美瑛 地帶 .

第一件事就係入油 .

今次並不是打爆油缸 , 只係入2000Yen .

之後果D等聽晚還車前先至入滿佢 .

雪中入油 , D雪會唔會飄入油缸裡 ? 

就算有 ~ 頂多都係一兩滴水啫 , 相信唔會有影響掛 ?

Bye Bye !

P.S. : 今晚 一屋老友記 勁攪笑 , 掛住睇攪到晏晒出稿 .  XD