2016/07/01

2016北海道雪駕遊D8-2 扇ヶ原展望台篇




Hello !


上回講到食完個早餐上房執齊野準備鬆人 ...

一落到黎 , 見到部車攪成咁 , 又到餐後運動既時間 .  =_= !!


今次呢鋪都唔算多雪 , 聽朝果鋪先至精彩 , 

同依家比起上黎 , 可以用倍數黎形容 , 真係俾佢嚇親 .  XD


清理之餘 , 順便影埋附近既環境 , 對面間展望餐廳 , 

唔知係未開工還是歇冬 ? 拉晒閘咁 ~ 更加顯得冷清 .


一陣間經原路離開 , 即係遠處隊道果頭 .


皆因後面果邊封路 , 又係冬季通行止咁啦 .


下面係觀光船售票處及碼頭果度 , D雪深到落膝頭 , 

完全見唔到梯級 , 會場入口應該就唔係呢度喇 .


咁樣算唔算有陽光呀 ? 


3J家庭問一場黎到 , 點解唔去會場參觀呢 ?

依家香港熱到癲 , 見到當然透心涼 , 不過果刻凍冰冰 , 

就唔係咁想過去 , 會場唔吸引之餘 , 仲有另一個原因 .


就係周不時刮起大風 , 吹到D雪打橫飛 (正式係西門吹雪) 

D雪打埋黎 , 除左兜頭都係之外 , 仲寒風刺骨 . 所以打消左參觀既念頭 .  

聽講果度有個露天溫泉 , 需要好大勇氣先至夠膽浸 .  XD


好 ~ 一輸火拼之後 , 終於清理完畢 , 可以上車 . 

然別湖畔温泉ホテル風水 , 正常既情況下 , 應該唔會再見 .


多啦A夢 . haha ...


鏟雪掃 , 用埋聽朝就唔駛再用 . (梗係啦 ~ 聽晚都還車喇)


吹晒D雪入黎 , 唯有等佢自己溶啦 .


出發 ~ 前面果部我諗應該係工程人員車 , 

車速唔快之餘 , 見我跟尾就俾我行先 .


好快就到第一個景點 , 就係 扇ヶ原展望台 .


呢度上次都有黎過 , 加上天氣麻麻 , 所以冇落到車 , 

就咁影幾張算數 , 如果想睇番上次 , 請Click入呢度 .


相隔一年有多 , 個鐘都仲未修理 , 真係好唔掂呀 .  >_< !!


呢張影到衰衰咁 .  XD


落到山下 , 天氣唔同晒 , 咁至係波架嘛 ,

尤其係路面 , 行呢D路放心好多 .  ^^


左邊係道の駅 うりまく , 不過冇兜入去 .


繼續行 ~ 下一個景點就係 狩勝峠 .


Bye Bye !



2 則留言:

  1. D雪兜口兜面吹來真系會痛, 所以上次都買左個雪鏡上到山頂先頂得住

    回覆刪除
    回覆
    1. 連雪鏡都買埋 , 果然夠Pro , 佩服 ! ^^

      刪除

歡迎光臨 , 如果時間許可 , 請留番個言丫 ~