Hello !
上回講到參觀完 大雪旭岳源水 ...
即刻往 旭岳ロープウェイ , 希望趕得切尾班車上山啦 ,
不過 ~ 萬一真係趕唔切既話 , 都有Plan B , 就係往旅館浸溫泉 .
今晚既旅館係 旭岳万世閣ホテルベアモンテ , 就在纜車站隔離 ,
一分鐘車程都唔駛 , 夠晒方便 . ^_^ !!
旭岳纜車站 , 前面呢個就係喇 , 點解招牌都冇個架 ?
呢度受住低氣壓影響 , D雪勁深 .
加埋天色昏暗 , 一片死寂咁款 .
去到纜車站 , 即刻上二樓 , 尾班車時間係 15:40
當時既時間係 15:45 , 可惜 ~ 明天請早啦 !
當時心諗 : 依家天氣咁差 , 上到去都冇著數 , 可能聽日會好天呢 ,
(不過 ~ 聽日都係咁上下 , 加上凍到癲 , 就算上到去 , 都只係到此一遊)
既然上唔到山 , 唯有四圍參觀下 .
呢度就係售票處 , 往復券 大人1800Yen , 小人900Yen .
( 小人 ? 咁都得 ~ 令人聯想到 "卑鄙小人" . haha ... )
積雪205cm , 視界不良 . =_= !!
乘車口就在右邊 .
有心登山既話 , 唔該先登記 , 有乜冬瓜豆腐都有個記錄 .
另一邊既盡頭係食堂 .
叫做 : 姿見食堂 . (本日終了 , 乜咁早收架)
落番地下 , 有幾位外國人 .
多數係滑完雪 , 休息中 ...
(聽日上山都係好多外國人 , 個個都係滑雪 , 得我一個齋參觀)
如果唔係有日文字 , 可以冒充去左外國 . XD
一樓 & 二樓既案內 .
隔離有間商店 .
同埋小食部 .
裡面參觀住咁多先 , 聽日再黎先至再介紹 .
依家上車往旅館 Check in , 介紹完房間至去浸溫泉 , 然後食晚飯 ,
Plan B 係咪都好精彩呢 ? ^_^ !!
上車啦 ~ 車牌依然俾雪遮住 , 冇所謂啦 , 點都唔會俾人影快相 ,
因為咁大雪 , 想快都快唔黎啦 .
真係遮到實一實 .
前面就係旅館 , 實在太近 .
今晚簡簡單單 , 聽晚果篇介紹房間 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~