2010/12/21

2010北海道10天自駕遊(修訂版)D9-10還車篇




Hello !


上回講到去完果兩個主場參觀 , 

都係時候去埋最後一個景點 , 基本上呢度只係搭單 , 

因為近住還車地點 , 所以順手有照 , 點不知都係失敗收場 .

預計到達時間 P.M.4:40


點解話失敗呢 ? 因為GPS提供上 IC ,

不過行一陣塞一陣 , 每次都 Miss高速公路入口 ,

三幾次之後 , 把幾火唔鬼上高速 , 同佢地玩塞車 .


有二手車賣 .  ^^


磨了一大輪 , 終於都到達 , 擺好部車先 .


呢度叫做 "札幌市下水道科學館" , 

係無意中在網上搵到 , 可能係最後行程 , 所以睇得唔夠詳細 , 

原來呢度話就話 P.M.5:30 收工 , 不過P.M.4:30 就唔俾人入 .

唉 ~ 最後一個景點都要食番碗閉門羹 .


裡面仲有人喎 , 我同佢講 : 千里迢迢黎到呢度 , 

俾個面求其影兩張相當交差好喎 , 咁佢就開門俾我入去 ,

所以真係影得兩張相咁大把 . haha ...


所以好珍貴架 .


算啦 , 人地都熄晒燈 , 無謂強人所難 , 影外面算數 .


最後借佢個停車場黎打點一切 , 

將所有野執得乾乾淨淨 , 千祈唔好有野留低 .

將別秋波 , 同部車影埋最後呢Part相 , 就要到佢講 Bye Bye .


多謝佢呢幾日黎俾我既實習 .


令到我由考完車牌都未掂過車既新手 , 

數日間成為超級高手 . (自己認為咋 . haha ... )


如果有人問我 "北海道自駕遊" 租咩野車好呀 


我會答 :  梗係Axio啦 , Yeah !


影相影全套 , 影埋裡面 .


後排中間位果度 , 有條車軸凸起 , 

如果五個人既話 , 租呢款車就要考慮埋呢點 .


仲有呢份野 , 租車公司話放在車裡面 ,

還車時交番俾佢 , 究竟裡面有D乜 ?


除說明書之外 , 仲有兩張紙 .


呢張係Check車紙 , 圈起有乜花痕 , 夠晒轟真 . 

原來呢部車真正行了 24234公里 .


攪掂晒D手尾 , 可以起程還車 , 首先去入油 .


只需要幾分鐘車程就到 .


見唔見最中心果座 , 就係JR日航酒店 .


只係得番一小格油 , 好彩仲捱得住去油站 , 

9日總共行了 1291.1公里 . (唔知算多定小?)


第三次入油 , 今次最多 5149Yen .

全程總共入過三次油 4119 + 3700 + 5149 = 12968Yen .

講開入油又要叉開一陣 , 有一個辦法可能可以慳番D油 ,

唔知有冇對車有研究既前輩認為如何 ?

在 "北海道" 大部份車程都係一條直路 , 如果行到100km以上 , 

之後鬆油門 , 用佢既衝力行駛 , 等佢降至60-70km 再重新踩油 ,

如此類推既話 , 全程唔知可否慳番些小油呢 ?

不過若然真係想慳油 , 不如租部 Prius仲實際 , 

但係租車價錢又貴番D , 拉上補下咁啦 .

入油中 ...

  
前面就係還車地點 .


駛入去之後 , 交車匙俾個職員 ,

佢都冇乜點 Check部車 , 就入去攪埋D手續 ,

簽個名之後就走得 , 臨行前佢俾張咭片我 ,

話如果日後再租車 , 記得搵番佢喎 , 真係識得做生意 .

放心啦 , 租車呢方面 , 我係 Toyota Fans .

只要有需要 , 一定搵番佢既 .

由於絕大部份既行李都在酒店房度 , 因此可以慢慢行街 , 

唔駛拎住大件行李 , 食埋飯至返去都得 .


做了9日有車階級 , 還車之後 , 知唔知我當時諗緊乜 ?

就係如果下次再黎 , 租邊款車好呢 ? 

咪發夢住呀 , 行程仲未完架 .  ^_^ !!

依家睇睇個地圖 , 去搵有乜好食 ?


Bye Bye !

9 則留言:

  1. 小姐你個名真係得兩隻字。

    慳油果度,有無人答過?你100km去70km再加速,會浪費油架。
    以前看雑誌,大部份車,keep住平衡速度80km左右,2000轉以下,一般都用少D油。

    回覆刪除
    回覆
    1. 我個名係有三個字 , 不過Cut咁個姓 , 叫 man wai 親切D .
      至於姓乜野都唔係乜野大秘密 , 有時網誌及相片都會透露 . ^^
      慳油方便1733兄都有解答過 , 內容如下 :
      開車想節省汽油 , 應該係定速行先至啱架 .
      同時開車既時候 , 唔好時快時慢呀 ! 好危險架 .
      多謝大家既解答 .

      刪除
    2. 我見你張租車單得兩隻字⋯⋯好似EDIT過?

      刪除
    3. 係呀 , 張相執過黎 , 應該係三個字 . XD

      刪除
  2. 照牛頓定律推算, 開車時揾一兩個大漢推車至10km後比油一定好化算^^
    但實際上, koosan 係0岩嘅, 架車喺 2000 轉係最慳油, 但速度就因車而異.

    回覆刪除
    回覆
    1. 2000轉既話 , 棍波車可能方便D , 自動波車已經加大轉數 . =_= !!

      刪除
  3. 上年租 corolla 同款4WD, 個錶板齋到轉數錶都無, 不過車就好好力. 豐田水貨車尾有個X章即係最齋果隻
    呢個GPS真係唔多詳細, 小姐你今年租果架亞瓜有無改進?
    今年果隻 corolla, 見人揸得都好快喎, 小姐又可以試下.

    回覆刪除
    回覆
    1. 係喎,你唔講都唔覺無轉數表。:))

      刪除
    2. 係呀 , Toyota 網頁裡面D車有埋轉數錶 , 租車係冇既 , 不過唔緊要啦 .
      今次 AQUA 果款 GPS 掂呀 .
      Corolla見人揸得都好快 ? 咁就要試試喇 . haha ...

      刪除

歡迎光臨 , 如果時間許可 , 請留番個言丫 ~