2010北海道10天自駕遊(修訂版)D9-7瀧野靈園篇

Hello !

上回講到參觀完 "豊平峽" 之後 , 即去下一個景點 .

不過中途都要食D野 , 正確黎講應該係午餐至真 ,

途中見到有間7仔便利店就駛埋去 , 便利店門口有得泊車 , 

夠晒方便 , 午餐到  "卷蛋 & 午後之紅茶" .

再整多條腸仔包蛋 , 正 ~

(呢味野見就見得多 , 原來都幾好味) 

下一站去邊呢 ? 本來諗住去果個 "丘陵公園" ,

不過果個公園 , 佔地甚廣 , 果陣都成1點幾鐘 ,

若然夾硬去既話 , 會有D到此一遊 Feel ,

如果有 Heart 去果度玩既話 , 記得預足一日 .

於是轉戰去佢附近既 "瀧野靈園" , 果度一D都唔失禮呀 , 

有世界聞名既奇景參觀 , 雖然係A貨 , 不過一D都唔簡單 , 

講多兩講 , 轉埋個灣就差唔多到 .

"智利復活島石像" , 夠勁未 ?

一排過 , 有D "少林十八銅人陣" Feel , 

唔止得咁小 , 裡面仲有 .

近睇都幾高大 , 正貨就未睇過 , A貨都呃到人 .  ^^

對面仲有一座大佛 .

幾層樓咁高 , 好犀利呀 .

仲有個大鐘 .

隔離有大鼓 .

求番支好籤先 .

除了 "復活島石像" 外 , 仲有 "英國石柱群" , 利害 .

又係未見過正貨 , 睇A貨當睇過 .

  

正宗果個 "英國石柱群" , 係邊個起既 ?

要黎做乜 ? 至今仍然係一個謎 ?

聽講係要黎計時間 , 不過咁大舊石 , 依家就話濕濕碎 ,

古代既人點放上去 ? 難道有外星人幫手 ?

石柱群中有幾個佛像 .

呢度有詳細介紹 , 淨係識睇漢字 .

再返去睇 "復活島石像" , 石像有大有細 .

又係果D問題 , 邊個整既呢 ? 要黎做乜呢 ?

真係考起 , 相傳佢地會自己移動 , 當然唔會俾你見到果隻啦 .

又有詳細介紹 .

睇落都幾有型 , 唔知邊位仁兄咁有諗頭 ? 起個仿製品嚮度 .

瀧野靈園 , 我諗即係骨灰龕果類掛 ?

"日本" 骨灰龕呢方面 , 好似都幾完善 .

我諗點都會好過我地 "香港" 掛 .  >_< !!

參觀完畢 , 又要去下一站 , 同D "石像" 講 Bye Bye .

果陣係 P.M.2:06 , 油量都所餘無幾 , 不過唔用到最後果滴 , 

都唔會入油住 , 等一陣還車 , 先入到佢滿一滿 .

下一站係 "羊之丘展望台" , 原來真係有羊 .

拎定張優惠券 , 有50Yen優惠 , Yeah .

Bye Bye !