Hello !
上回講到落機後辦理入境手續 , 呢篇繼續 .
今次唔算太多人 , 排一陣就到 .
(不過即使多人都唔緊要 , 大把時間剩 , 點排都得)
打完手指模之後 ,去番行李輸送帶領回行李 ,
攪掂連隨去番 ANA 國內線櫃檯 , 就係呢度 .
交件行李俾佢 , 一磅之下 , 原來未買野都已經成 15.6kg ,
真係帶得太多無謂野 , 拎埋張登機証 , 就可以去候機室 .
呢邊都有好多小商店 , 果汁OK嘛 ?
咖啡又如何 ?
飲完就由呢度上去 .
係咁咦 Check過手提行李之後 , 過到黎呢邊候機 .
大把時間剩 , 呢度有免費 wi-fi , 順便寫番篇報個平安 .
候機室有個小賣部 , 如果頂唔順可以黎個小食 .
一場黎到 , 買番小小野啦 . ^^
午後之紅茶一支 , 順便花生歎報紙 , 朝早拎埋都未睇 .
睇完份報紙都夠鐘上機 , 呢程又要搭接駁巴士 .
上機時都接近黃昏時份 .
大約個半小時就到達 "新千歲機場" .
睇相唔多覺 , 其實坐機果陣 , 對住個出風位 ,
竟然俾佢吹到我頭重重 , wing wing 地咁 , 真失敗 .
領取行李等候中 ...
後面有間 MOS BURGER , 不過都係出到 "札幌" 先食晚餐 .
領取行李後 , 向JR線方向行 , 21:04有班車 ,
仲有幾分鐘就到 , 幾大都趕埋佢 , 衝呀 !
坐巴士都得架 , 不過未試過坐巴士出 "札幌" ,
掉番轉 "札幌" 出 "機場" 就試得多 .
JR線 , 下面丫唔該 .
快快手買飛 , 1040Yen , 一早準備定啦 .
上車後冇耐就開車 , 大約40分鐘左右 , 到達 "札幌駅" ,
當時 P.M.9:45 , 就幫襯站口呢間 "時之時計台" .
呢度 P.M.10:00 收工 .(呢張相係食完先影)
地下唔算好大 , 不過仲有樓上雅座 .
簡簡單單一個 "叉燒麵" , 味增湯底 , 正 !
食完往酒店Check in , 慢慢食 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~