2013北海道&青森12天自駕遊(修訂版)D2-3小樽駅篇

Hello !

上回講到介紹完房間 , 呢篇繼續 .

講開房間 , 又要叉開一陣 , 相傳住尾房遇到靈異事件既機會率 ,

比起住普通房高好多個百份點 , 今次全程我住過幾次尾房 , 

幸運地完全冇事發生 , 真係大步檻過 , 其實早上行程又駕駛又影相 ,

體力以經相當透支 , 夜晚返到酒店食完飯 , 如果有溫泉浸 , 

更加係不知人間何世 , 一上床就訓到聽朝 , 邊有時間理佢有冇果味野丫 .

~~~~~~~~~~~~~~~~~~~~~~~~~~~~~~~~~~~~~~~~~~~~~~

返回行程 , Check Out 後即刻往 "札幌北口" Toyota 分店 . 

點解唔去 "南口" 京王果間呢 ? 呢度又有故講 , 

話說前兩次都係幫襯 "南口" , 果位職員每個項目都講解得非常詳細 .

(簡單D講就係口水多過茶 . haha ... )

所以今次想轉一轉場 , 可能呢間口水仲多呢 ?

點都好 , 叫做搏一搏啦 . (點知真係俾我搏到)

去到該舖 , 拎定A4預約紙 ~ 護照 ~ 國際牌 , 同埋信用咭出黎 ,

攪了一陣 , 好快就碌咭 & 簽咭 , 之後乜野都唔駛講 , 

(通常都會講唔好超速 , 唔好違例泊車 , 記得邊間分店還車 , 

記得入滿油之類 ... , 再詳細D就問我拎埋電話號碼 , 

同埋 "樂天" Book房紙 Copy , 所以我先嫌煩幫襯另一間分店)

佢拎埋車匙 ~ ETC咭 ~ 綠色果本簿 , 一齊出去取車 , 

真係快到我都驚 , 就連繞場一周Check車與及教用GPS呢Part都欠奉 , 

佢已經行到出面幫手截車等我出去 , 速度之快 ,

同 "南口京王" 真係兩個極端 . (簡直就係想趕我走咁)

GPS唔教唔緊要 , 因為經過幾次租車 , 自問對GPS使用方法都好了解 ,

不過望一望個GPS , 即刻有D Something Wrong .

原來個顯示屏 , 全部都係英文字母 , 咁樣唔掂喎 , 於是叫佢返黎 , 

問可否轉回全日文顯示及發聲 ?

佢睇了一陣 , 唔掂 , 於是入去Call人幫手 , 叫另一個人黎睇 , 

好快就Set番正常 , 好彩 .

如果硬食英文顯示既話 , 即使攪得掂 , 都大呼冇癮 .

(學Blog友 コーさん 話齋 , "香港人" 認識 "新宿" , 點都多過 "Shinjuku" , 

所以點計都係漢字順眼D)

攪掂就正式出發 , 影低出車時既里數 , 減番還車時里數 , 

就知道全程行了幾多公里 , 不過原來還車時張收據都有記錄低 .

呢部車出發前經已行了 31523公里 , 都唔算新車咯 .

時間係 08:35 , 地點係 '札幌駅" 附近 , 第一站係 "小樽駅" .

除了燈位要停車之外 , 即使綠燈 , 轉左時行人都有優先權 , 

千祈唔好好似 "香港" 咁 , 亂嚮按趕人呀 , 切記 !

講個秘密俾大家知 , 當時新手上車未熟習 , 經常Miss街口冇轉灣 ,

不過好快就適應番 , 畢竟在 "北海道" 駕駛鐘數 , 

遠多過 "香港" , 就算加埋學車鐘數都係咁話 .

上 IC 中途停一停PA , 呢個PA叫做   金山 .

如果寫 KANAYAMA , 係咪冇咁傳神呢 .

好完美既泊位 , 基本上唔駛泊 , 就咁駛入個位度 .  ^_^ !!

(第一次出現既 AQUA , 好型既呢 , 他日大把相睇)

好快就進入 "小樽" 周邊範圍 , 時間係 09:43

終於到達 "小樽駅" , 出面有停車場 , 半小時免費 .

第一時間參觀 "三角市場" , 上樓梯就係 .

入去咯 .

行完出番黎 , 1分鐘都唔駛 , 實在太細個市場 ,

點解冇相睇 , 因為裡面冇乜人 , D人笑口噬噬問你買乜野 ,

呢個時間齋影相 , 好似怪怪地咁 .

(三字甩咁行 , 變成二角市場 . haha ... )

出番黎之後 , 介紹附近 , Hotel Dormy Inn , 好熟架啦 .

行到盡頭就係 "運河" 方向 .

中央巴士站 , 返 "札幌" 巴士 , 呢邊上車 .

前面就係 "小樽駅" .

小樽驛 . ( 唔係呢個駅咩 ? )

有車到站 , 成大棚人出緊黎 .

對面係售票處 & 旅遊案內 .

買飛咯 .

隔離案內所 .

呢度重新裝修過 , 上年都好似曾經介紹 .

呢邊係手信巷 .

好多野賣 , 當然包括 "白之戀人" .

仲有 "可否茶館" . (個名好過癮)

TARCHE "余市" 蘋果都有得賣 .

BURGER KING , 食完早餐冇耐 , 唔幫襯咯 .

Locker 隔離係洗手間 .

停車場半粒鐘時間 , 用到佢盡先至走 .

幫襯 "三角市場" 買兩包 "帶子乾" (500g) 

原價2500Yen一包 , 講價至 4600Yen兩包 .

Bye Bye !