2013/03/06

2013北海道&青森12天自駕遊(修訂版)序




Hello !


未開始行程之前 , 循例都要寫番篇序章 .

今次行程雖然部份景點因為時間關係而Miss , 

但行程依然豐富 , 相片方面 , 經統計後 , 一共影了5330張 , 

雖然部份重覆或影到衰衰咁 , 平均每日都要影 444.1666張相 ,

都咪話唔誇張 , 起碼對我黎講夠晒爆燈 .

行程裡睇到一個旅遊以外既現像 , 亦証實先前睇過某專欄作家既說話 ,

話 "日本" 方面唔多妥 "南韓" , 點解咁講 ?

因為 "香港" 賣到開巷既 Samsung S3 或 S4 與及 Note系列 ,

在當地完全唔見有人使用 , 甚至電器舖裡都唔見有售 ,

頂多只係見到 LG電視 , 佢地多數都係用 i-Phone產品 ,

或者土炮機 docomo , 呢個現像同 "香港" 分別甚大 , 所以比較印象深刻 .

~~~~~~~~~~~~~~~~~~~~~~~~~~~~~~~~~~~~~~~~~~~~ 

講番個行程 , 最正莫過於大破 "神威岬" , 

甚麼 "女人的禁地" 喎 , 結果我行到入盡頭 , 

仲影左好多相 , 可謂痛快之極 , 

年中都唔知幾多Blog友 , 在種種原因之下過門不入 , 好遺憾既呢 .

~~~~~~~~~~~~~~~~~~~~~~~~~~~~~~~~~~~~~~~~~~~~

另外今次話就話 "北海道+青森" , 實際在 "青森" 方面 ,

參觀地方連皮毛都講唔上 , 其他好似 "秋田" , "岩手" 都有經過 ,

所以車程非常之長 , 充滿走馬看花Feel . 

~~~~~~~~~~~~~~~~~~~~~~~~~~~~~~~~~~~~~~~~~~~~~ 

講到午餐 , 有時就好鬼正 . (海膽丼 ~ 吞拿魚丼)

但有時只係麵包與餅乾 , 甚至衰到趕車唔食都有發生 , 真係夠晒極端 .

~~~~~~~~~~~~~~~~~~~~~~~~~~~~~~~~~~~~~~~~~~~~~~ 

工具方面 , 行山拐杖帶得非常之妙呀 , 真係幫得手 ,

不過如果真係諗住行山 , 記得帶埋支水傍身 , 

有次忘記拎水 , 攪到好口乾 , 下次切記 !

~~~~~~~~~~~~~~~~~~~~~~~~~~~~~~~~~~~~~~~~~~~~~~~ 

最後 , 全程睇左好多海邊奇岩怪石 , 

到尾聲時直情有D滯 , 遲D相片裡會慢慢同大家分享 .

好喇 ! 講左咁耐 , 都要正式出發 , 下篇見 .

Bye Bye !

~~~~~~~~~~~~~~~~~~~~~~~~~~~~~~~~~~~~~~~~~~~~~~~~

P.S. : Blog友 t 問過 , 話 "函館山" 有冇開放時限 ?

在 "立待岬" 度影左張相 , 希望有幫助啦 .

沒有留言:

發佈留言

歡迎光臨 , 如果時間許可 , 請留番個言丫 ~