Hello !
上回講到往酒店Check in 及介紹房間 , 呢篇繼續 .
一場黎到 "根室市" , 就試佢正宗本店既 "根室花" .
搵料果陣只係係咁咦睇過Google地圖 , 略略知道佢既所在地 ,
淨係知道離酒店冇幾遠 , 至於點樣冇幾遠法 ? 都幾考起 .
雖然天未黑齊 , 不過人生路不熟 , 萬一盪失路咪死 ?
所謂 : 路在口邊 , 都係問人穩陣D , 落到樓下受付 ,
問幫我 Check in 果位職員 , 知唔知去 "根室花" 點樣行 ?
佢話梗係知啦 , 不過唔知點樣話我知唶 . haha ...
之後拎張周邊案內圖俾我 , 指俾我知應該點行 , Yeah !
有佢定檔好多 , 真係出路遇貴人 , 如果唔問人自己憑記憶出去闖 ,
可能晚餐變宵夜都唔出奇 . ^_^ !!
就係呢張案內圖 , 我仲Keep住佢 , 唔捨得掉 .
入到裡面 , (門口冇人招呼) 唔駛等位之餘 ,
仲大把位任坐 , 咁都得 ? "札幌" 分店都爆到九彩 ,
我仲以為呢度直情要搶先至有得食添 , 真係大出我意料之外 ,
果陣都唔算早咯 , 大約P.M.6:30
格局方面同 "札幌" 分店差唔多 ,
應該既 ~ 大家都係一脈相承嘛 .
同樣地 , D壽司師父嗌到鬼殺咁嘈果隻 . 我鍾意呀 !!
一坐低乜都唔駛講 , 即刻叫番杯生 ビール ,
紅碟即係幾多錢 ? 理鬼佢咩 , 總之想食就食 , 任得你計 .
(講到好似好豪咁)
究竟佢有幾多間分店呢 ? 中標津都有喎 .
在 "札幌" , 我淨係幫襯過 JR Tower Stellar Place 分店咋 .
大家唔好客氣 , 起筷喇喂 , 甘蝦 & 三文魚壽司 ,
"日本" 本土既三文魚 , 始終都係爭咁D .
再黎碟 "海膽" 壽司 , 一於食大佢 .
中午果餐淨係食左盒咖哩炸雞 ~ 蛋糕 ~ 紅茶 .
鬼死咁肚餓 , 一於一齊上 . ^^
呢舖正式係勁飲勁食 , 加埋現場環境 , 真係好痛快 .
飲飽食醉 , 埋單只不過係 3000Yen齊頭 ,
走果陣天都黑齊 , 依然未見人龍之餘 , 舖內亦都仲未坐滿 ,
乜同 "札幌" 差咁遠既 ?
慢慢行番酒店當散步 , 認住佢 , "根室花" .
門口有停車場 , 不過飲完酒就咪開車 , 切記 !
經過一間油站 .
ENEOS , 之前唔知有冇講過 , 唔知點解 ?
我習慣幫襯呢間入油 , 除非山窮水盡 , 十萬火急 ,
否則一定會搵番佢黎入油 , 可能係慣性收視率掛 ?
ガソリン153 , 轻油135 , レギュラー 屬於邊隻 ?
納沙布岬 , 聽朝就去 , 呢度亦係重點行程之一 .
我諗呢D係 "俄羅斯" 文 , 有D "稚內" Feel .
返到酒店 , 樓下有部電腦俾人上網 , 順手Check網誌 .
上到房睇陣電視 , 之後去浸溫泉 , 返黎買罐可樂飲 ,
咁既生活實在太歎 , 做人仲想點喎 . Yeah !
飲完再睇電視 , 梳洗之後休息 .
各位飲杯 , 勝既 !
Bye Bye !
第四日完 .
沒有留言:
發佈留言
歡迎光臨 , 如果時間許可 , 請留番個言丫 ~