Hello !
上回講到在 "根室車石" 參觀 , 呢篇繼續 .
地下咁既顏色 , 一睇就知係海底火山爆發 , 溶岩冷卻後而形成 .
尋晚 "明珠台" 果集 : 活著 火山 "LIFE ON FIRE" ,
講海底火山爆發 , 唔好話岸邊小小地方 ,
直情成個島爆出黎都得 .
不過呢舊 "車石" , 如果唔係人工打磨成 ,
而係天然形成 , 咁都幾特別喎 .
難怪成為 "根室十景" 之一 , 讚呀 !
除了似車轆之外 , 仲有D似隻 "穿山甲" .
尾部 . ^^
睇到差唔多 , 都係時候上番去 .
另一邊既 "展望台" . (好似望落去就係海咁)
呢張係講解 "車石" 既成因 , 原來已經形成左6500萬年 .
現場見到咁既情景 , 即時想歌番首歌 .
潮聲浪聲去又來 , 前事降在我心靈內 , 留低是瑣碎片段 ,
變幻 ~ 抉擇 ~ 無奈 ... (一齊唱丫)
呢D就係 "粗粒玄武岩" .
"車石" 既側邊 , 都係一塊塊鱗片咁 .
有樣野唔講大家唔知 , 其實當時係落緊微雨 .
仲有小小橫風 , 唔算好大 , 不過每次打開鏡頭影相 ,
D雨點都會整濕個鏡頭 , 攪到好激氣 .
所以每影一張相 , 都要抹一次鏡頭 .
谷鬼氣 , 上番 "燈塔" 度都唔記得再影相 .
咦 ~ 無厘頭有兩隻海鷗 ? ^^
D石一條條咁 , 充滿 "香港國家地質公園" Feel .
六角柱石 .
依然係咁大浪 .
玩左咁耐 , 一個人影都唔見 , 又一個包場景點 .
(邊會有人咁大霧都黎咁戇居 . haha ... )
呢度係停車場望落去另一邊沙灘 ,
頭先果邊就 "巨浪滔天" , 轉個角就風平浪靜 , 咁都得 ?
都大落差唶 . =_= !!
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~