2009北海道8天自由行(修訂版)D3-6紀伊國屋書店篇

Hello !

上回講到參觀完 "北海道大學" 之後 , 行番去電器店度參觀 , 

再之後就係過隔離街既 , "紀伊國屋書店" 繼續參觀 .

尋晚睇完佢既櫥窗DVD海報 , 今次由正門入去 .

入門先行到最右邊 , 參觀佢既 DVD部 , "爆粗Band友" 超爆笑呀 !

講開又講 , 劇裡面果個變態經理人 (松雪泰子飾演) , 

就係做 "神探伽俐略" 容疑者X之献身 , 死者個老婆 , 

兩套劇既演譯差別實在太大 , 戲路果然夠晒廣闊 , 勁 !

仲有 PRISON BREAK 同埋 LOST , 

兩套劇都追左幾個年頭 , 俾到我既感覺係 "虎頭蛇尾" , 

首先 "逃" , 起初講到果間 "公司" 無所不能咁滯 , 

最後就俾主角好似如入無人之境咁 , 只可以講句 : 劇情需要啦 .

LOST 又係咁 , 90幾個謎團未解答 , 不過可能太過雜亂無章 , 

就連編劇都未必記得有幾多個迷未解 . (又或者我要求太高啦)  =_= !! 

仲有 "盲俠座頭市" , 勁到爆呀 . (套戲究竟有冇在 "香港" 上過畫呢 ?)

過番書店果Part , 呢度好多唔同種類既書籍 . 

正式係乜野類型都有 .

就好似呢度 , 連 "香港" 既旅遊書都有 .

究竟 "日本" 出版既 "香港" , 會介紹乜野呢 ? 

正面定係負面呢 ? 可惜我唔識日文 , 否則一定買番本黎睇 .

呢邊有D其他旅遊書籍 . 

咦 , "香里奈" 都出書 ? 

呢本拍過日劇架 , 不過唔記得乜名 ? 

呢本就仲犀利 , 叫做 "天地人" , 係講 "直江兼續" 既一生 .

仲連日劇都拍埋 , 有D "龍馬傳" Feel . 

主角係 "妻夫木聰" , 呢一個扮相有D似 "伊健" .

講開 "妻夫木聰" , 近排睇過佢所飾演既電影 "惡人" , 

D劇情睇到我真係想嘔血 , 呢個世界邊有人會咁低能 (講個女角)

不過嘔血還嘔血 , 套戲拎左好多個獎咁話喎 , 

莫非越唔好睇既戲就越有獎 ? 咁樣先至吹漲 . 

天地人宣傳板 , 賣唔賣既呢 ? 

除左正經書籍 , 仲有D消閒雜誌 .

NHK教育書籍 .

外國消閒書籍 .

大統領 , 奧巴馬 !

大選在即 , 究竟係連任 ? 還是俾 "羅姆尼" KO ?

P.S. : 相信大家都知道答案 

揀好未 ? 揀好呢邊排隊俾錢 .

一早攪掂晒啦 , 走得 .  ^_^ !! 

出番黎經過 "大丸" , 順便影番張先 , 唔入去咯 .

酒店就在隔離 .

Bye Bye !