Hello !
上回講到參觀完 "啤酒博物館" , 在門外影埋幾張相後 ,
見到有巴士到 , 唔理乜車都好 , 上左車先講 ,
話之佢去 "函館" 都照上 , haha ... (因為外面實在太凍)
不過段估架巴士都唔會真係去 "函館" 咁激掛 .
點睇佢都係出番 "札幌" 果頭既唶 , 結果當然係出 "札幌市" 啦 .
巴士唔係好多人 .
襯停燈位 , 黎多張添 . Yeah ! (遲D仲有機會搭巴士)
再襯機會介紹 , 司機叫做 : 大石一郎 (請鼓掌 ...)
仲有 ~ 呢條係循環線 , 邊度上車同邊度落車都係 200Yen .
落車時俾錢就OK
由於仲未食晚餐 , 所以見到個 "札幌鐵塔" ,
即係 "大通公園" 附近就落車 . 時間係 P.M.6:23
2月尾 , 雪祭既展品早已經拆晒 , 剩番小小燈飾 .
有棵 "聖誕樹" .
黎多張添 . (請打橫睇)
黎到塔底 , 又點忍得手呢 , 再黎幾張添 . (又係請打橫睇)
下午時已經影過塔底 , 夜晚再影 , 又有另一番味道 .
夜晚加埋燈光 , 好似橙色咁 . ^_^ !!
如果上鐵塔既話 , 呢度買飛 , 不過今晚未上去住 , Hold 住先 .
依家搵個地方食晚餐 .
LOUIS VUITTON , 之前講過 , 佢D產品唔係我杯茶 .
行到去 "薄野" 果頭 .
唔通想食蟹 ?
非也 ! 係去 LOTTERIA , 試佢既 "絕品" 套餐 . ^_< !!
有D似 "叉燒餐包" 咁既款 , 至於味道呢如何 ? 唔記得咯 .
話咁快就食完 , 連隨去番 "狸小路" 生果檔入貨 .
買乜野好呢 ? 整番盒 "士多啤梨" 都唔錯喎 .
買完搭地鐵返酒店 , 費時行番去 , 條街又凍又跣 , 怕怕 !
人小小 , 坐得舒適 , 不過只係搭一個站 .
返到酒店 , 攤抖一陣 .
除左買 "士多啤梨" , 仲買杯咖啡 , 先食 "士多啤梨" .
仲要記錄低今日既所見所聞 . (依家唔駛 , 因為有錄音筆)
上幾篇有冇參觀過洗手間呀 ? 就算有都再參觀過啦 .
馬筒一個 .
毛巾兩條 .
鏡一塊 .
藤籃一個 , 要黎放衫褲 .
影完出房外繼續參觀 , 汽水機 & 冰機 , 仲有Card賣 , 要黎睇AV .
可口可樂 120Yen , 果陣經已有Zero ( 紅黑紅紅黑 , 就係咁簡單 ... )
裝番桶冰先 .
要黎飲咖啡用 , 冰凍咖啡 , 正呀 !
整番包零食 .
再睇番幾粒鐘電視 & 梳洗一番就休息 .
Bye Bye !
第三日完 .
沒有留言:
發佈留言
歡迎光臨 , 如果時間許可 , 請留番個言丫 ~