Hello !
上回講到拎齊行李去到租車公司 ,
交張印好既 "確認信" 俾佢 , 再等通傳 .
就係呢一間 , 右手邊果檔至係 .
隔離仲有其他公司 .
編號009 , 等候中 ...
好快佢就叫我既號碼 , 同佢一齊出室外 ,
行過一條天橋 , 有部小巴正在恭候 .
全車只得我同司機 , 好有包車 Feel , 呢程車比想像長 ,
我諗有成10分鐘左右 , 個機場真係大得咁交關 ?
到達後入店內攪埋D手續 , 首先交出護照 , 國際車牌及信用咭 ,
之後聽佢講解一輪 , 佢俾幾張A4紙我 , 內容係唔好超速 ,
小心駕駛 , 唔好亂泊車 , 入乜野電油 , 萬一有意外既表格 .
仲有還車地點與及兩份地圖 , 最後係一本綠色面既簿 ,
將呢份野係放在車裡面 , 還車果陣先俾番佢咁話喎 ,
簽好咭取回臨時收據之後 , 就可以同 "Axio" 見面 , 不過仲未走得住 ,
要等佢教埋我點用個 GPS , 同埋睇睇有冇表面傷痕及其他野 ,
皆因一出門就冇灣轉 , 所以每樣野都要Check真D .
所Check既項目包括有 :
車頭燈 & 指揮燈 .
死火燈 . (千祈唔好用得著)
響按 . (以防駕駛中有動物走出黎)
水撥 . (即刻就要用)
入油蓋 & 車尾箱蓋 .
車呔夠唔夠氣同埋有冇光頭 .
尾箱有冇士啤呔 & 換呔架生 .
有冇過江龍 . (有都唔識用)
電池夠唔夠電 .
火咀有冇問題 ? (我都唔識 Check)
電油滿唔滿 ? 大致上係咁多啦 . ( 好忙呀 ... )
乜野都OK後 , 同職員講 Bye Bye , 就可以正式出發 .
Check 車果陣好忙 , 所以冇影相 , 呢張相係後補既 .
等我黎正式介紹 , 呢位就係陪足我9日既 Axio ,
全名叫做 : Toyota Corolla Axio 請多多指教 !
經佢重新設定 , 里數由零開始 . (全程會行幾多公里呢) ?
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~