2016北海道雪駕遊D7-3 美幌峠篇

Hello !

上回講到參觀完 道の駅 既迷你雪祭 ...

再揸多50分鐘車左右 , 就到下一站 , 呢度叫做 美幌峠 .

講起呢個 美幌峠 就犀利喇 , 今次係第二次黎 , 上次發生乜野事 ?

熟客應該會記得 , 生客請Click入呢度重溫啦 .   ^_^ !!

部車就擺呢度啦 , 咦 ~ 得我一部車獨佔個停車場 .

咁多位請落車 ~ 順便拎埋支行山拐杖 .

美幌峠 ~ 案內地圖 .

阿寒國立公園 .

Wow ~ 曬到爆炸咁滯 , 除左拐杖 , 太陽眼鏡都唔小得 .

先行上小小影幾張 .

呢個係 中島 .

亂石堆加白雪 , 正 !

轉身一睇 , 呢間係 ぐるっとパノラマ美幌峠 後門 .

美幌峠 招牌 .

行近D睇過 , 今次行近有冇播音樂呢 ? 唔記得左咯 .

仲有路上架 .

影多幾張先至上去 , 再黎 美幌峠 木條 .

張地圖俾雪遮住 , 去番上次果篇睇啦 .

下面係 屈斜路湖 , 結晒冰 , 上次黎都係一樣 .

掉轉影另一邊 , 呢張有D聖誕咭Feel .

好 ~ 可以再上 .

今日既天氣俾上次更正 , 所以擺多幾張相分享 .

D植物俾雪覆蓋 .

枝上結晒冰 , 都幾好睇喎 .  ^^

就算係石堆都唔差 . 

由呢張開始 , 係從左至右咁掃過去 . (半個中島)

成個睇晒 .  ^^

中間就係 和琴半島 , 果度既秘湯 , 一陣都會去參觀 .

欄杆一條 .

一路欄到去後面 .

再過小小 .

再過多小小 .

就係頭先上黎既路 .

有部車上緊黎 .

原來係大貨車一部 .

睇番D欄杆 , 凍到結晒冰 .

黎個近鏡 .

呢塊都係 .

今日雖然都係凍 , 不過同上次比較起上黎 , 相距甚遠 .

最主要係冇乜風 , 可以慢慢欣賞風景 . 

再睇多次 中島 就可以落番去 .

慢慢行 ~ 小心地滑 .

呢張我鍾意 .  ^^

呢張都唔差 . Yeah !!

落到中段 , 去番頭先 美幌峠 個位 .

行山拐杖 + 美幌峠 招牌 .

落番到下面 , 入去參觀下 , 順便去埋個洗手間 .

入到去 ~ 左手邊有個食堂 .

呢度買飛 , 可惜早餐都未落格 , 無緣幫襯 .  =_= !!

行入小小 , 好多土產賣 .

本來想影多幾張相 , 不過裡面冇人參觀 , 同D職員你眼望我眼 , 

若然冇幫襯齋影相 , 好似好怪咁 , 都係就咁算 .  XD

出番黎 ~ 大家請上車 .

跟住去下一站 , 正係頭先講既 和琴半島 秘湯 .

睇睇個油錶 , 小於一半油 , 一陣要去入番滿佢 .

呢篇勁多相 , 可能破左我單篇紀錄 , 手都軟埋 . 

Bye Bye !