2016北海道雪駕遊D6-11 オホーツク流氷館篇A

Hello ! 

上回講到參觀完 網走川 & 網走駅 ...

跟住去下一站 , 亦係今日最後一個景點 , 點解咁短癮 ?

因為我預算 破冰船 會用咁D時間 , 所以景點冇搵得咁盡 , 

家陣坐唔成破冰船 , 咪有時間剩囉 , 不過唔緊要 , 就算早D往旅館 , 

都有浸溫泉呢個好節目 , 正式係不愁寂寞呀 .   ^_^ !!

好 ~ 言歸正傳 , 話咁快就黎到 天都山流冰館 喇 .

部車就擺呢度啦 , 好小景點有咁多車一齊泊 .

前面呢個就係 天都山流冰館 , 經過全新裝修 , 變得面目全非 .

唔信 ? 有相過你睇 , 呢張係2011年果陣影 , 係咪好大分別呢 .

不過同樣地 , 裝修前後都設有Sir滑梯呢個節目 .

一齊入去參觀咯 .

滑梯及其他節目收費表 .

館內有 wifi 設備 , 講埋先 ~ 呢度實在太正 , 要分兩篇黎寫 .

四圍影 ~ 相片排名不分先後 . (應該話小小分先後啦)  XD

先黎蓋章處 .

紀念品部 .

裝修後 ~ 紀念品部醒神左好多 .

不過感覺上好似賣小左野 .

D野好吸引呀 .

毛毛公仔 , 好Cute .  ^_^ !!

留言版 .

四圍都有流冰介紹 , 幾近全場都係 .

Cafe .

仲有四季既網走相片 .

地面果Part就免費參觀 , 落地庫就要收費 , 大人750Yen .

落到下片 , 有片睇 ~

都係介紹流冰既影片 .

出面果段 (即係呢段) 就普通D .

行入小小有另外一處睇片既地方 , 片長約8分鐘左右 , 

都幾好睇架 , 不過唔可以影相 , 費時破壞人地規矩啦 .

另一邊有天使魚 , 正確應該叫 : 流氷の天使 .

不過習慣叫佢地做天使魚 , 叫開好難改 .  ^^

只怪我技術不精 , 好難影出佢地既神髓 , 

如果想睇佢地既真身 , 可以Click入Blog友 Gio L 既網誌 .

好似一粒 腰果 . haha ...

其他地方又係流冰既介紹 .

冰海既一生 , 由誕生到消滅 .

D流冰由 俄羅斯 流落 日本 .

全球暖化有冇影響流冰誕生呢 ?

海蝦 .

D相影得好靚 .

好多人次入場 .

呢邊有導賞員解畫 .

流冰守護地球 ??

再過小小有個零下15度体感室 .

下篇先至介紹佢啦 .

Bye Bye !