2013/08/17

2013北海道&青森12天自駕遊(修訂版)D11-18牛油帶子拉麵篇




Hello !


上回講到參觀完 "間歇泉" , 呢篇繼續 .

今次自駕之旅景點已經行晒 , 淨落黎就係上 "札幌" 還車 .

呢段路有兩件事比較深刻 , 首先第一件事就係Miss左個上IC路口 ,

果陣預既時間係剛剛好 , 如果行普通公路既話 , 

未必可以在八點前還車 , 好彩附近有小路 , 

可以駛入去掉頭再撥亂反正 , 好險 . 

~~~~~~~~~~~~~~~~~~~~~~~~~~~~~~~~~~~~~~~~~~~~~~ 

第二件事係 "IC事件" , 話說上到高速公路後 , 

本來都想以正常速度黎行車 , 行行下遇到小型車龍 , Why ? 

點解IC都會塞車 ? 莫非有交通意外 ? 原來係前處有部車行得比較慢 , 

而該段路只係單線行車 , 久唔久先至有兩線部份 , 不過只係好短暫 , 

所以一到超車地帶 , 所有車都會好似癲晒咁爬頭 ,

否則就要等下次雙線行車出現 , 好似我呢D咁不甘後人既人 ,

又點會忍心令自己成為IC既負擔 , 所以一有超車位出現 ,

我都會癲埋一份 , 記得好似要去到 "虻田洞爺湖" 果頭 ,

先至出現較完整既雙線行車 , 有冇攪錯呀 ? 

收得人錢就唔該交足貨啦 , 最低限度都全程IC都雙線行駛 , 

如果環境許可 , 甚至三線 , 咁樣慢車就可以靠在左線 ,

快車行中線 , 超級快車行右線 , 大家各取所需嘛 .

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

依稀記得下圖在 "長万部" 地段影既 , 不過未到極限 .

因為呢個速度 , 都未符合高速公路基本要求 , 即係隨時被爬頭 .


由於沿途專注駕駛 , 之後都冇再影相 , 一口氣不停站直飛到 "札幌" ,

全程幾近四粒鐘 , (可以睇兩套電影) 都咪話唔誇張 .

還車店隔離有個油站 , 入埋最後一次油 , 3514Yen .

至於洗車 , 就留番俾佢地攪掂 .  ^^


還車丫 ~ 唔該 !  

左上角個牌寫住 : ただいま , 無事故継続001日目 .

咁咪即係前日有事故發生 ?? 邊個咁唔好彩 .  >_< !!


部車就放在隔離停車場 , 

Check過冇穿冇爛就過黎呢邊攪埋D手續 , 好似交還ETC咭俾佢埋數 , 

同埋拎番張正式收據 , 今次全程上過5次IC , 合計 : 5900Yen .

(淨係最後呢程IC都成 2850Yen)


如果幾個人一齊租車 , 就要坐低稍等 , 

不過好小可會出現 , 租過咁多次車都未試過要等 , 

次次都係一入去就招呼你 .


Hertz .


店內情況 .


還車之後拎齊行李往酒店Check in , 上房擺低行李後 ,

即刻落樓下搵食 , 當時時間已經係P.M.8:05 , 

不過經過電器店 , 買番些小野先 , 好快就出黎 , 等我 .

(營業時間 : 朝9:30 ~~~ 夜10:00 , 年中無休)


認住佢咯喎 .


就在JR札幌駅隔離 .


好快買完 , 飛奔去目的地 , 味の時計台 .


就係佢喇 , 附近有幾間分店 , 盡量都會幫襯呢間 .


隔離有間 "二金堂" , 幾時開架 ? 之前唔覺既 .


參觀下四周環境先 .

(右邊海報就係主角 , 牛油帶子拉麵 , 1500Yen)


咦 , 水盡鵝飛既 ? P.M.8:40 , 莫非過左晚市 ?


我鍾意坐依家坐緊呢個坐位 .


樽裝啤酒丫 , 唔該 .


後面坐位冇人坐 .


左右後面都係 .  =_= !!


只得遠處一位客人同埋我 .


之前個拖板漏低在 "大湊" 酒店 , 依家買番個多一格 .

正式係 "舊既唔去 , 新既唔黎" . Yeah ! ( 550Yen )


啤酒到 , 各位 , 飲杯勝既 !


飲多兩杯 , 拉麵都到 .


最後係餃子 .


黎番個大合照 , 唔駛客氣 .  ^^


攪掂 , 勁飽 .

之前唔記得有冇講過 , 每次黎 "北海道" , 

尾二果日我都會幫襯一次呢度 , 食同一款套餐 . (不過有年斷路) 

我諗出年未必會承接落去 , 因為實在太重口味 , 想試第二D .


行過一條馬路 . (其實只係差幾個鋪位)

又一間 "味の時計台" , 駛唔駛咁密集呀 ?


隔離有間 "松屋" .


睇番呢間 "味の時計台" , 叫做 : 駅前店 .


咦 ? 牛油帶子拉麵 1250Yen , 呢間平D喎 , 老襯左添 .


食完行過 "狸小路" , 黎個最後一擊大掃貨 .


Bye Bye !

沒有留言:

發佈留言

歡迎光臨 , 如果時間許可 , 請留番個言丫 ~