Hello !
上回講到去到 "後樂園" , 一入場第一個項目就係 "摩天輪" ,
參觀完畢回到地面 , 之後去下一個項目繼續遊覽 .
呢個係 "摩天輪" 既全景 , 係咪好壯觀呢 . ^_^ !!
而呢度係 "過山車" 既入場處 , 不過我冇玩到 ,
講真 ~ 有小小驚 ! ( 果陣做左 "死神來了3" 未呢? )
其實唔需要自己參與其中 , 淨係聽D尖叫聲都夠皮 . haha ...
跟住行去另一邊 , 呢間係 "TOKYO DOME HOTEL" . (請打橫睇)
住呢間酒店都唔錯喎 , 對正個遊樂場 , 唔知場景房間會唔會收貴D呢 ?
每逢有過山車經過 , 都會殺聲震天 , 十足環迴立體聲呀 . ^_< !!
黎多張 "摩天輪" 全景 , 天色有小小陰暗 , 襯記得講埋 , 一陣會落雨 .
繼續行去另一邊 .
小型過山車 , 同頭先既比 , 碎料好多 .
旋轉木馬 , 勾起好多童年回憶 .
小食部 , DINERS Twins . Yeah !
呢個小型過山車 , 叫做 "舞姬" , 又幾文藝喎 .
連外國人都 "慕名而來" , 認真唔簡單 .
唔好意思 , 搵你地做 Model . ~ ^0^ ~
隔離係小型 "跳樓機" , 俾小童玩就差唔多 .
呢D先至係波丫嘛 . haha ...
Are you ready ?
唔講唔知 , 呢個 "跳樓機" , 我都有玩到 , 真係好激 .
不過唔係咁方便影相 , 所以冇相睇 . =_= !!
搵個地方回一回氣先 , 附近好多餐廳 , 連 KFC 都有 . 勁 !
回完氣繼續參觀 , 呢度係 "魔幻羅盤" .
唔通冇入去參觀 , 冇乜印象既 ?
跟住見到個 "滑水過山車" .
叫做 : Wonder Drop , 好多人排隊 .
好刺激咁喎 . ^^ (請打橫睇)
俯衝 ! (我諗好有機會會濕身 , 所以都係制唔過)
再感受果種 "過山車" 聲 , 好震撼既呢 .
Tokyo Dome City , 案內圖一個 , 想去邊都一目了然 .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~