2008東京5天自由行(修訂版)D3-6

Hello ! 

上回講到參觀完 "蜘蛛公園" 之後 , 

行過小公園 , 攪掂再過隔離 asahi 電視台繼續參觀 , 

一入去就有隻大 "叮噹" 黎迎賓 . haha ...

呢邊都有隻 . (之前講過 , 我鍾意叫 "叮噹" 多過叫 "多拉A夢)

唔單止有得睇 , 仲有得夾 , 叮噹 & 叮嚀 , Yeah ! 

對於夾公仔 , 我就冇乜心得 , 所以無謂浪費彈藥 , 不過有D人好Pro . 

木曜日 , 如果冇估錯 , 應該係星期四 , P.M.9:00 做果套 "交涉人" , 

香港譯名 : 講數阿姐 , 由 "米倉涼子" 擔正主演 , 好好睇架 , 

除左有第一 & 第二季之外 , 仲有電影版 , 認真巴閉 .  ^_^ !!

行過隔離 , 有個迷你版 "東京鐵塔" , 不過背光 , 影到黑蚊蚊 . (請打橫睇)

呢邊 "二人の食卓" .

仲有呢度都係 .

跟住輪到 "花師奶" .  ^^

"接待處" 仲放左個做代言人 . 

同佢一齊做野 , 會唔會醒神D呢 ?   ^_< !!

深田恭子 , 未來講師 .

相棒 Season 6 , 每周水曜よる9時放送 .

赤川次郎 の 4姉妹探偵団 .

tv asahi 50周年紀念日 , 果陣仲有320日 8:42:58

事隔多年 , 依家睇怕 54周年都黎緊頭 .

最後參觀埋個禮品部就同呢度講 Bye Bye .

(電視台都設禮品部 ? 咁都得 , 唔知 TVB 有冇呢?)

攪掂之後 , 過隔離街 LV 參觀 .

不過佢D產品唔係我杯茶 , 所以都冇入去 .

求其企門口影張相算數 , 好彩冇俾人趕 .  =_= !!

呢度都見到 "東京鐵塔" , 真係無處不在 .

跟手搭地鐵去 "汐留駅" .

出閘後點行呢 ? 睇睇地圖先 .

呢座大廈睇落好勁 , 一陣上去佢展望台參觀 .

Bye Bye !

2008東京5天自由行(修訂版)D3-5

Hello ! 

上回講到上去 "一蘭拉麵 "樓上舖度食叉燒拉麵 , 

之後黎多個 "替玉" . (即係加多個麵底)

飽餐一頓後 , 落街四圍瀏覽 , 經過一間手機舖 .

au 家族間通話無料 , 上台丫 , haha ...

再經過一間 "藥" 房 , 六本木店 .

咦 ~ 全線都做緊 "大決算" 喎 , 尋日 "上野" 果間又係 !!

跟住行過呢間 Zaboo 天然溫泉 .

其實黎呢度並唔係偶然 , 係行程之一黎架 , 不過唔係黎幫襯 , 

話說上年 (2007年) 睇報紙 , 報導呢間 "Zaboo" 天然溫泉 , 

唔知點解發生大爆炸 , 仲好似有死傷添 .   =_= !!

今次經過 "六本木" 區 , 所以咪順道探訪佢囉 , 

呢度係做會員制 , 所以即使佢地復業 , 都冇得幫襯 .

更何況仲未攪掂 , 依然係閉館 ...

探訪完佢地之後 , 再去到一個公園 , 呢個公園就犀利咯 .

因為有隻 "大蜘蛛" 座陣 .  ^_^ !!

整得都幾神似喎 , 果然充滿藝術細胞 .

行近睇真D先 .

蜘蛛底部 , Yeah ! 

呢個公園 , 可以遠望 "東京鐵塔" , 

唔知望唔望到數年後既 "晴空塔" 呢 ?

旁邊仲有D相機廣告 .

Sony a350 單反機 , 依家會否成為 "明日黃花" 呢 ?

隔離有座 TV asahi .

仲有一座勁高既大廈 .

先去 asahi 電視台 , 不過隔離有個花園 , 影兩張先 .

花園有條河流 , 不過D水只係慢流 .

小橋流水 , 都唔錯丫 .

呢樣係乜東東呢 ?

Bye Bye ! 

2008東京5天自由行(修訂版)D3-4

Hello !

上回講到參觀完期待已久既 "東京鐵塔" , 

之後繼續搭地鐵去下一個目的地 , 就係 "六本木" ... 

"都營大江戶線" , 由 "赤羽橋駅" 搭到 "六本木駅" 

坐2個站 , 只需要 170Yen .

(咦 ! 未裝月台閘門喎 , 怕唔怕架?) 

話咁快就到 "六本木駅" .

好多個出口 , 夠晒四通八達 .   ^_^ !! 

大舊石 , 幾得意喎 , 要黎玩火車捐山窿就Fit晒 . haha ...

Tokyo Midtown . (請打橫睇)

呢區好多高樓大廈 . (繼續打橫睇) 

D花都好靚 , 夠晒色彩艷麗 .

今次既目的地就係呢個 "國立新美術館" , 睇旅遊天書話 :

呢度好多古靈精怪野睇 , 所以就黎參觀一番 .

點不知 ... 本日休館 Closed Today , 

睇番本書 , 原來真係逢星期二休息 , 咁都睇漏 , 真失策 !

唯有影佢外圍啦 .

不愧為 "國立新美術館" , 設計得幾特別 .

可惜只能透過鐵閘黎影相 .

側面 .

隔離有個 "政策研究大學院大學" .

充滿圖書館Feel .

唔單止我一個摸門釘 , 仲有其他人架 , 聽佢地講 "普通話" , 

唔知係 "內地" 還是 "台灣" 人 ? 大家都一場黎到 , 不如影番張相 , 

叫做 : 到此一遊啦 , 四朵金花大合照 , 1~2~3 笑 , Yeah !

行返去車站附近 , 當時都中午時份 , 係時候食個午餐 .

不如就幫襯佢啦 , 一蘭拉麵 !!

呢間係樓上舖黎架 , 門口有售票機 .

拉麵底一個 , 再追加叉燒 , 仲要填張 From , 自選口味 .

交食券 & 問卷俾佢 , 等待中 ...

我坐一號位 , 數落去仲有二至十架 .

食完個麵唔好急住飲晒D湯 , 個筷子套仲可以用黎落單 , 

追加多個淨麵 , "替玉150Yen" , 如果飲晒D湯 , 就要乾哽 . >_< !!

替玉到 , 兜野倒落去就OK .

大部份既 "日式" 拉麵 , 都係用粗麵 , 

呢度係採用幼麵 , 亦係我欣賞佢既其中之一 .

另一樣欣賞既 , 當然係佢既店舖設計 , 夠晒獨立空間 , 

食麵時唔駛你眼望我眼 , 呢個係坐位板 , 有人坐落就會著燈 , 

有冇位坐一目了然 , 當時都未坐滿 , 大把位任坐 .

Bye Bye !