2009北海道8天自由行(修訂版)D5-4定山溪靚貓篇

Hello !

上回講到在 "二見吊橋" 果度火拼 , 幾經艱辛之下 , 

終於行番出黎 , 就去番公園入口果度 , 

見到D正野 .(點解入去果陣唔見既 ?)

就係佢地 , 相比起入公園 , 見到佢地開心好多 .

好威猛既呢 . haha ...

究竟係有人養 , 定抑或係流浪貓呢 ?

如果係流浪貓 , 又幾好肉地喎 .  ^_^ !!

唔單止係咁 , 最好玩就係任摸唔嬲 , 咁樣先至過癮嘛 .

唔似得 "香港" D流浪貓 , 行近D都雞飛狗走 .  =_= !! 

不過保護自己係應該既 , 否則好易冇左對腳 , D人真係衰到貼地 .

仲有一隻 , 總數見到三隻 . 

天氣咁凍 , 唔知佢地頂唔頂得順呢 ?

真係好正 .  ^_< !!

如果行近佢地 , 佢會用個身黎掃你對腳 .

唔通想要野食 ?

  

可惜我當日乜都冇帶 , 想餵佢地都唔得 .

唔知佢地平時食乜野既呢 ?

唔會係食 "烏鴉" 掛 ? 依 ~~

雖然好唔捨得 , 不過都要同佢地講 Bye Bye ! 

行前D見到部鏟泥車 , 我諗依家要黎鏟雪多D .

湯元溫泉 , 定山溪酒店 , 好似唔錯咁喎 , 有冇Blog友住過呢 ?

轉角有間類似便利店既商店 . 

入去睇睇 .

好多野賣喎 , 不過冇幫襯 . (攪攪震 )

望返轉頭 , 遠處就係 "神社" & "足湯" 果度 .

繼續向前行 , 好快就見到呢條 "定山溪" .

唔錯哩 , 加埋D雪景 , 正 !

呢條橋久唔久都有巴士經過 , 影相時小心 .

再行前D有個公園 .

不過攪掂呢度先過去 .

橋底仲未結冰 . ( 唔知最凍果陣會唔會結冰呢? )

黎張全景相 .

Bye Bye !

2009北海道8天自由行(修訂版)D5-3二見公園篇

Hello !

上回講到到達 "定山溪" 地帶 , 

先參觀街尾個 "神社" 與及隔離既 "足湯" , 之後行過小小 , 

去 "二見公園" 繼續參觀 , "定山溪二見公園" , 入去咯 .

D積雪好勁呀 .

雪人一個 , 邊位咁好心機 , 勁 !

入場時間係 A.M.11:34

如果試過落雪黎呢度既Blog友 , 應該知道D積雪勁得幾咁交關 .

夥樹幾正喎 .

成個蛋咁款 , 乜野黎既呢 ?

行入小小 , 見到個 "河童大王" 像 .

仲有D "許願錢" 擺度 , 如果係 "香港" , 晨早就冇晒 .

背面 .

D雪唔係咁深掛 ?

其實係放部相機落雪坑度影 .

遠處就係頭先公園入口 .

向住 "二見吊橋" 方向行 .

一路向前行 , 越黎就越唔對勁 , D雪起初只係到膝頭 , 

點知行行下深到大脾 , 幾近去到腰咁滯 , 真係驚驚地架 . 

但係條橋既入口就在前面 , 唔去到又唔甘心 , 

唯有用 "轆地沙" 既方式 , 邊轆邊爬咁入去 , 

去到差唔多條橋既入口 , D雪同欄杆平排 , 

黐線架 , 點入去喎 !

要入去 , 只有爬上去 , 用腳踩住欄杆 , 雙手扶住最右邊既鐵架 , 

咁樣先至入到去 , (呢張係入到去影番出黎)

大吉利是 , 若然有乜差池跌落去 , 即使唔死都有排醫 ,

第日都係唔好咁搏 , 留得青山在嘛 .

既然上到條橋 , 當然要影餐飽啦 .

唔講唔知 , 條橋搖搖下架 , 唔知會唔會斷呢 ? haha ...

二見吊橋 .

鋼纜 .

下面未完全結晒冰 .

可能D水流動緊掛 ?

試試行到盡頭 .

不過去到都冇用 , 俾D積雪封住晒 , 正常係有路上去 .

或者落去條溪都得 .

冇得行之下 , 唯有返轉頭 , 不過影多兩張先 .

雪山呀 . haha ...

二見吊橋 (日文) .

照番頭先咁爬番出黎 , 總算冇驚冇險啦 .

出番去 "河童大王" 果頭 .

最高水位時有幾深呢 ?

唔知係咪酒店呢 ? 果頭好清靜 , 只係間唔中聽到烏鴉聲 .

見唔到水既 , 行出去會唔會跌落水 ?

一出一入 , 用左半小時左右 .

出番黎正門 , 見到有D正野行過 .

唔通係 "雪山飛孤" ? 當然唔係啦 , 只係 "飛貓" .  ^_< !! 

咁凍嚮度等乜野呢 ?

唔通係等佢 ?

Bye Bye !