Hello !
上回講到離開機場範圍 , 事隔多年再次坐司機位駕駛 ,
仲要係 "北海道" , 第一個感覺係 "相當刺激" , 不過由於實在太過生手 ,
所以速度都唔敢太快 , 一路Keep住40-50公里慢慢行 ,
沿途都冇乜車 , 咁都比較放心 , Set好第一個目的地 ,
就係 "苫小牧" 北寄貝食堂 , 中途經過一個休息站 ,
(公路裡周不時會有呢味休息站出現 , 叫做 "道之駅")
咁就一於入去睇睇 , 而第一件蝦碌事件就在呢度發生 .
第一次到達既 "道の駅" ウトナイ湖 .
話說當日入去泊好車之後 , 熄匙準備入去參觀之際 ,
點不知匙係熄掉 , 不過就拎唔番條車匙出黎 ,
應該係鎖住左 , 唔係唔夠力果隻 , 冇理由丫 ?
N波係唔可以拎車匙呢樣 , 在其他Blog友度就略有所聞 ,
不過家陣明明係P波拉手掣架 , 點解會咁呢 ?
咁點呀 ? 總唔能夠插住條車匙行左去 ,
於是搵附近既司機幫忙問因乜解究 ?
但唔知係我表達能力不足 , 還是佢理解能力唔夠 ,
硬係聽我唔明我講乜 , 不得要領之下 , 唯有自己諗辦法 ,
老實講 , 果一刻真係有D急 , (因為攪唔掂既話 , 咪成日留嚮度)
終於左試右試之下搵到方法 , 原來熄匙之後 ,
要將支車匙質入去再逆時針咁扭兩格 , 先至可以順利拎番出黎 ,
真係俾佢玩殘 , 鬼叫自己對汽車冇乜研究 .
Check 車又冇試呢一瓣 , 真係醜死怪 . XD
原來話俾你知 PUSH , 有鬼留意到咩 !
去完洗手間就上車繼續行程 , 終於到達 "苫小牧" ,
但同我所想像既有D出入喎 , 我係想去呢個 "北寄貝食堂" .
張相係其他Blog友度借既 .
點不知黎左呢個市場 .
只怪我果陣對 "GPS" 既特性唔多理解 ,
佢只係帶到你去目的地附近 , 之後就要靠自己 ,
如果我肯兜多兩個圈 , 應該會搵得到既 , 不過果陣落雨濕濕 ,
驚魂又未定 , 時間又晏 , 所以決定放棄 , 先去重點行程先 .
就係咁繼續出發 , 下一站係 "登別" NIXE水族館 , 沿住國道36號一直行 ,
見到一條魚與一隻熊在屋頂 , 就知道係果個叫做"蟹御殿海鮮市場" 既地方 ,
果度係一個大食堂 , 跟團必到咁滯架 .
好大隻毛蟹呀 , 勁 !
仲有大魚 & 巨熊 .
話口未完 , 即刻就有團 "東瀛遊" 殺到 .
各位團友 , 落車喇喂 .
呢度除左係食堂之外 .
仲有好多水產乾濕貨賣 .
不過根據好多跟團 Blog友既口供 , 話呢度食海鮮 ,
會比其他海鮮市場貴 , 所以參觀完影埋相就走 ,
行多一陣就到第一個真正目的地 , 就係 NIXE 水族館 .
駐車券 , 盛惠500Yen 泊車費 .
擺好部車先啦 . (雖然冇練習咁耐 , 泊車一樣咁掂 , 辣呀) ^_^ !!
入去咯 . Yeah !
"登別" 兩個景點既套票 3300 Yen ,
唔駛一日內玩晒 , 隔一日都得 , 夠晒靈活 .
園內地圖 .
成座城堡咁款 , 勁 !
裡面係個水族館 .
護城河 .
遠處有座摩天輪 , 不過唔算好高 .
裡面有D乜野睇 ? 下篇話過你知 .
Bye Bye !
