2010北海道10天自駕遊(修訂版)D9-2札幌京王酒店早餐篇

Hello !

上回講完D衰野 , 點都好 , 

唔開心既野講完就算 , 好好咁享受埋餘下既行程 .

梳洗完畢之後 , 拎埋張 "早餐券" 落大堂 ,

呢度好熱鬧 , 有別於之前既 "溫泉酒店" ,

間間都得果小貓三幾隻 .

(順便講埋 , 呢度要聽廣東話 , 真係冇難度)

一位丫 , 唔該 !

搵到位之後 , 第一件事係繞場一周 , 睇過有乜好野 .

呢度係 "日式類" .

類似 "蕎麥麵" .

 腸仔 & 肉片 .

當然唔小得麵包啦 .

乜野黎既呢 , 唔記得添 ?

又係日式類 .

蛋類 .

蝦餃 ~ 燒買 ~ 叉燒包等 "中式點心" , 唔錯喎 .

  

好有自助晚餐Feel .

好多 "香港人" 嚮度食早餐 , 我都係其中之一 .

第一轉 , 小試牛刀 .

第二轉 , 基本上差唔多 . haha ...

(食完將個 "食事中" 牌仔反轉 , 佢地就識得做野)

鮮奶 ~ 橙汁 ~ 蕃茄汁 ... ( 咁既陣容 , 多數都揀鮮奶 )

咖啡機 , 食完早餐飲番杯 , 零舍醒神 .

食完休息陣就出發 , 呢間酒店住兩晚 ,

所以唔駛拎晒D野上車 , 係咁咦執幾味就OK .

尋日就係泊4/F呢個位 , 唔記得影相 , 依家補番數 .

Wow , 車尾好似出晒位 , 就黎跌落街咁款 .

當然唔係啦 , 視差問題咋 , 其實仲差好遠 .

抹車冇幾耐 , 新車一樣 , 正 .

用果張泊車飛就可以出閘 , 出閘後就唔會再番呢個停車場 , 

因為要還車嘛 . 今日最後一擊 , 立即出發 !

Bye Bye !.

2010北海道10天自駕遊(修訂版)D9-1酒店失策篇

Hello !

上回講到食完晚餐 , 之後四圍行兼影相 ,

影夠就返酒店睇電視 , 攪埋D手尾就休息 .

呢篇叫做酒店失策篇 , 至於點解咁失策 ?

依家就詳細講解事件既始末 .

話說尋晚食完晚餐影晒相 , 返酒店睇電視 , (當時做緊西片 "幽靈車神" ) 

突然間房裡傳來微量既二手煙味 , 當時心諗 : 邊鬼個咁夠薑在走廊度吸煙 ? 

於是第一時間飛身開門睇個究竟 , 點知乜鬼都冇 , 經過詳細檢查後 , 

發現係由中央冷氣糟果度傳過來 , 有冇攪錯呀 , 又話乜野 15/F 

全新裝修禁煙 "Stylish Room" ? 就算其他房既住客偷雞吸煙 , 

都冇理由傳到去其他房間架 ? 雖知唔吸煙既人 , 即使聞到些小既二手煙 , 

輕則怒從心中起 , 重則可以失控斬人 , 後果可以好嚴重 . haha ... 

所以在我既立場 , 呢間酒店可以話係 "永不錄用" .

講開又講 , 今次機票套餐裡面 , 其實都有好多間酒店選擇 ,

見到呢間酒店好似唔錯喎 , 點知一試就出事 , 真係激氣 .

而3日2夜酒店連轉機機票乙張套餐 , 選擇如下 :

Keio Plaza Hotel Sapporo 15/F Sytlish Floor (單人房) $5800

Hotel Gracery Sapporo (單人房) $5560

JR Tower Hotel Nikko Sapporo (單人房) $6260

仲有好多間 , 價錢都係5仟幾左右 , 

早知揀番上次果間 JR Tower Hotel Nikko Sapporo 啦 , 

夜晚仲可以浸SPA添 , 今次失誤令到行程蒙上污點 , 真失策 !

不過唔住都住左 , 都要介紹間房既 , 打開房門行入去 , 

直去就睡床 , 右手邊係洗手間 .

單人房 , 得一張床 .

LCD TV , 下面雪櫃 , 右手邊寫字檯 .

對面係沙發 & 空氣清新機 .

床頭果個窗可以透到洗手間既燈光 , 夠晒環保 .

輪到參觀洗手間 , 馬桶一個 .

就係呢個窗 , 可以透番廳裡既燈光過黎 .

成間房既全圖 , 屬於長方型 .

果陣剛起身 , 影埋窗外咯 , 一轉身就係呢個景 .

15樓都好似好高咁既 ?

對正條鐵路 .

直望落去就係6/F停車場 , 淨係可以泊自己友既車咋 .

有部 "旭川動物號" 列車駛過 , 咁就順便介紹埋佢啦 .

呢部列車 , 係去 "旭山動物園" 既專屬列車 ,

出面印晒D動物圖案 , 好得意架 , 不過當然唔止咁簡單啦 ,

聽講車廂裡面都好攪野 , 總之就內有乾坤啦 .

只得四卡車 , 短癮D喎 .

"北極熊" 打頭陣 , 型呀 .

"企鵝" 守尾門 , Cute爆呀 . haha ...

Bye Bye !

P.S. : 講番酒店果Part , 頭先好似踩得盡過頭 , 

講番句公道說話 , 撇除上述果單 "二手煙" 不愉快事件既話 , 

呢間都係一間唔錯既酒店 , 只係離JR站稍遠 .

2010北海道10天自駕遊(修訂版)D8-10完(拉麵共和國篇)

Hello !

上回講到在 "京王酒店" Check in 之後 ,

連隨去 "根室花" 排隊等位 , 飲飽食醉之後 ,

落番樓下果度影相 , 不論日夜 , 呢度都係理想既影相位置 .

上二樓取景 . (上次自由行都黎呢個位影過)

上次住果間 "札幌日航酒店" .

影完相上去 ESTA 10/F , 拉麵共和國 .

今次純粹參觀 , 正式係 : 攪攪震 , 冇幫襯 . haha ...

各位觀眾 : 札幌   拉麵共和國 .

闊別一年 , 舊地重遊 , 感覺唔錯 .

剛剛果餐都未落格 , 想幫襯佢都有心無力 .

白樺山莊依然高朋滿座 , 勁 !

行一個圈影相 , 發現呢度雖不至於面目全非 ,

不過上次幫襯過果間 "次郎長" 拉麵 , 已經關門大吉 , 

取而代之既係呢間 "山櫻桃" .

呢間水準如何呢 ? 早知留力鍊番轉啦 . haha ...

好彩個火車頭仲健在 .  ^_^ !!

"鳥居" 都係 . Yeah !

案內圖 .

攪掂就行落幾層 , 又一單人面全非事件發生 .

上年隔離果座 "Loft" 原來搬過黎呢度 ,

正所謂 : 上屋搬下屋 , 唔見一籮穀 , 

家陣仲要大屋搬細屋 , 慘情 .

之唔係呢間囉 , 冇晒燈光 , 陰公豬 .

行番過酒店果邊 , 經過見到呢間酒店 , 

叫做 : Hotel Gracery , 唔知好唔好住既呢 ?

(之後既 "自駕遊" 住過呢間 , 唔錯架)

我住果間 "京王酒店" 就麻麻地 .  >_< !!

行多幾個街口就到酒店 , 影番頭先駛入既停車場 ,

話說經過連日特訓 , 依家既駕駛技術 , 同剛取車果陣 ,

可以話係判若兩人 , 再窄D既停車場都未驚過 . 

P駐車場入口 .

隔離就係出口 .

地庫既 Toyota出租車 , 就泊晒嚮度任揀 .

細車 Vitz , 外型都幾得意 .

又見呢部 , 札幌 507 わ24-71 , 上次 "函館" 見過佢 ,

我果部 札幌 507 わ24-78 泊在 4/F .

跟住就上1521號房 .

入黎坐丫 .

兩張早餐券 , 明日 & 後日既早餐都在地下果度食 .

今晚冇溫泉浸 , 睇陣電視 , 攪掂埋D手尾就休息 .

Bye Bye !

第八日完 .